ໂຣນັລໂດ້ ເຊື່ອລີກຊາອຸມີໂອກາດ ເປັນລີກທັອບ 5 ຂອງໂລກໃນອະນາຄົດ

ຄຣິສເຕຍໂນ ໂຣນັລໂດ້ ກອງໜ້າຂອງ ອັລ-ນາສເຊີ ໝັ້ນໃຈວ່າ ລີກ ຊາອຸດິອາຣາເບຍ ໂປຣລີກ ມີໂອກາດກ້າວຂຶ້ນເປັນລີກທັອບ 5 ຂອງໂລກໃນອະນາຄົດ.

ຄຣິສເຕຍໂນ ໂຣນັລໂດ້ ໄດ້ຍ້າຍຈາກ ແມນເຊັສເຕີ ຢູໄນເຕັດ ໄປຮ່ວມທີມ ອັລ-ນາສເຊີ ໃນເດືອນມັງກອນທີ່ຜ່ານມາ. ເຊິ່ງລາວຍອມຮັບວ່າຕົກຕະລຶງກັບຄຸນນະພາບຂອງລີກ.

“ລີກຂອງ ຊາອຸດິອາຣາເບຍ ມີການແຂ່ງຂັນຫລາຍ. ມັນບໍ່ແມ່ນແບບ ພຣີເມຍລີກ, ຂ້ອຍຈະບໍ່ຕົວະ ແຕ່ມັນເປັນລີກທີ່ເຮັດໃຫ້ຂ້ອຍຕົກໃຈ,” ໂຣນັລໂດ້ ກ່າວ.

“ໃນ 5,6,7 ປີ​ຂ້າງ​ໜ້າ, ຖ້າ​ຫາກພວກ​ເຂົາ​ຍັງປະ​ຕິ​ບັດ​ຕາມ​ແຜນ​ຕໍ່ໄປ ທີ່ນັ້ນອາດຈະເປັນລີກອັນດັບ 4 ຫລື 5 ຂອງໂລກໄດ້ເລີຍ.”