ມາຮູ້ຈັກກັບ “ໄມເຄິນ ວັງ” ນັກກິລາບານເຕະລູກຊອດລາວ-ອາເມຣິກາ ກຽມຮັບໃຊ້ທີມຊາດລາວ
ທີມຊາດລາວຕ້ອນຮັບ “ໄມເຄິນ ວັງ (Michael Vang)” ກຽມລົງສະໜາມເປີດໂຕໃນການແຂ່ງຂັນ FIFA Day
ຫລັງຈາກທີມຊາດລາວ ພາຍໃຕ້ການນໍາພາຂອງ ທ່ານ ໄມເຄີນ ໄວ໌ສ ຫົວຫນ້າຄູຝຶກຄົນເຢຍລະມັນ ໄດ້ຮຽກນັກເຕະເກັບໂຕຝຶກຊ້ອມ ພ້ອມທັງປະກາດລາຍຊື່ 23 ນັກເຕະທີ່ຈະໃຊ້ໃນການແຂ່ງຂັນ FIFA Day ເດືອນມີນາອອກມາເປັນທີ່ຮຽບຮ້ອຍ.
ໂດຍໜຶ່ງໃນນັກເຕະທີ່ເປັນໜ້າຈັບຕາຂອງທີມຊາດລາວຊຸດນີ້ແມ່ນກອງກາງອາຍຸ 22 ປີ “ໄມເຄິນ ວັງ (Michael Vang)” ເປັນລາວເຊື້ອສາຍມົ້ງ ສັນຊາດອາເມລິກາ ທີ່ລົງຫລິ້ນໃນລີກຮອງຂອງອາເມຣິກາ (MLS Next Pro) ກັບສະໂມສອນ ພອດແລນ ທີມເບີ 2, ເຊິ່ງລາວໄດ້ຕັດສິນໃຈລົງສະໜາມເພື່ອຮັບໃຊ້ປະເທດບ້ານເກີດຂອງຕົນ.
ໄມເຄິນ ວັງ ຍ້າຍອອກຈາກປະເທດລາວ ໄປຢູ່ລັດ ມີນເນໂຊຕ້າ ໃນສະຫະລັດອາເມຣິກາ, ເລີ່ມຫລິ້ນບານເຕະກັບໂຮງຮຽນທ້ອງຖິ່ນໃນອາຍຸ 18 ປີ, ເລີ່ມຕົ້ນອາຊີບບານເຕະກັບ ຟໍເວິດ ເມດດິສັນ, ປະຈຸບັນຫລິ້ນໃຫ້ກັບ ພອດແລນ ທີມເບີ 2, ເຊິ່ງລາວຖືກບັນທຶກເປັນນັກເຕະຊົນເຜົ່າມົ້ງຄົນທຳອິດທີ່ໄດ້ຮັບສັນຍາອາຊີບຢູ່ອາເມຣິກາ.
ສຳລັບ ທີມຊາດລາວ ມີລາຍການ FIFA Day ວັນທີ 22 ມີນານີ້ ໂດຍຈະລົງແຂ່ງກັບ ເນປານ ແລະ ພູຖານ ທີ່ສະໜາມກິລາ ດັດຊຣາດ ເມືອງກາດມັນດູ ປະເທດເນປານ
ຕາຕະລາງ ການແຂ່ງຂັນມີດັ່ງນີ້:
