ບາຫລີຮຽກຮ້ອງລັດຖະບານຍົກເລີກ Visa on Arrival ສຳລັບຊາວຣັດເຊຍ ແລະ ອູແກຣນ ຫລັງພົບລັກລອບເຮັດວຽກຢ່າງຜິດກົດໝາຍ

ເຈົ້າໜ້າທີ່ຂອງເກາະບາຫລີແຫ່ງອິນໂດເນເຊຍໄດ້ຮຽກຮ້ອງໃຫ້ໜ່ວຍງານກວດຄົນເຂົ້າເມືອງຍົກເລີກບໍລິການ Visa on Arrival ສໍາລັບຊາວຣັດເຊຍ ແລະ ອູແກຣນ ຫລັງພົບວ່ານັກທ່ອງທ່ຽວບາງຄົນລັກລອບເຂົ້າມາເຮັດວຽກຢ່າງຜິດກົດໝາຍ.

ທ່ານ ວາຍັນ ໂຄສເຕີ ເຈົ້າຄອງເກາະບາຫລີ ກ່າວວ່າ: ທ່ານໄດ້ຂໍໃຫ້ກະຊວງກົດໝາຍ ແລະ ສິດທິມະນຸດຍົກລະດັບຄວາມເຂັ້ມງວດຂອງຂໍ້ກໍານົດການຂໍວີຊາ ແລະ ຍົກເລີກບໍລິການ Visa on Arrival ສໍາລັບຊາວຣັດເຊຍ ແລະ ອູແກຣນ ເນື່ອງຈາກນັກທ່ອງທ່ຽວຈາກສອງປະເທດນີ້ລະເມີດຂໍ້ກໍານົດຫລາຍເທື່ອ.

ທັງນີ້, Visa on Arrival ຄືວີຊາທີ່ຜູ້ຖືພາສປອດສາມາດຂໍໄດ້ໃນຊ່ອງທາງຂອງດ່ານກວດຄົນເຂົ້າເມືອງໃນປະເທດ, ສໍາລັບການທ່ອງທ່ຽວເປັນໄລຍະເວລາສັ້ນໆ ໂດຍບໍ່ຈໍາເປັນຕ້ອງເຮັດວີຊາລ່ວງໜ້າມາກ່ອນ.

ອ້າງອີງ:

https://edition.cnn.com/…/indonesia-russians…/index.html

https://www.reuters.com/…/indonesias-bali-wants-tighten…