ຄຣິສຕັລ ພາເລດ ປົດ ປາທຣິກ ວິເອຣາ ພົ້ນຕຳແໜ່ງຜູ້ຈັດການທີມ ຫລັງພາທີມຜົນງານຕົກຕຳ່

ຄຣິສຕັລ ພາເລດ ຖະແຫລງ ປາທຣິກ ວິເອຣາ ພົ້ນຕຳແໜ່ງຜູ້ຈັດການທີມ ຫລັງພາທີມຜົນງານຕົກຕຳ່ດ້ວຍການບໍ່ຊະນະໃຜເລີຍຕັ້ງແຕ່ເລີ່ມປີ 2023.

ສຳລັບ ວິເອຣາ ເຂົ້າມາເຮັດໜ້າທີ່ເປັນຜູ້ຈັດການທີມຂອງ ພາເລດ ເມື່ອເດືອນກັນຍາ 2021 ເຊິ່ງລາວກໍພາທີມສະແດງຜົນງານໄດ້ໜ້າພໍໃຈມາຕະຫລອດ ແນວໃດກໍຕາມໃນລະດູການນີ້ ພາເລດ ຕ້ອງພົບກັບໄລຍະເວລາທີ່ລຳບາກ.

ໂດຍສະເພາະນັບຕັ້ງແຕ່ເລີ່ມປີ 2023 ເນື່ອງພວກເຂົາຍັງບໍ່ສາມາດຊະນະໃຜໄດ້ເລີຍຈາກການລົງສະໜາມ 12 ນັດ ລວມທຸກລາຍການ ເຊິ່ງຫລ້າສຸດຄືການບຸກໄປເສຍໃຫ້ ໄບຣຕັນ 0-1 ໃນການແຂ່ງຂັນບານເຕະພຣີເມຍລີກ ອັງກິດ ເມື່ອວັນທີ 15 ມີນາ ພ້ອມເປັນການເສຍໃນລີກ 3 ນັດຕິດຕໍ່ກັນ.

ເຖິງວ່າປັດຈຸບັນ ພາເລດ ຈະຢູ່ໃນອັນດັບ 12 ຂອງຕາລາງພຣີເມຍລີກ ແຕ່ພວກເຂົາມີຄະແນນເຫນືອເຂດຕົກຊັ້ນພຽງ 3 ຄະແນນ ດ້ວຍສະຖາການຫລ້າສຸດເຮັດໃຫ້ເມື່ອວັນທີ 17 ມີນາ ພາເລດ ອອກຖະແຫລງການແຍກທາງກັບ ຜູ້ຈັດການທີມຊາວຝຣັ່ງ ອາຍຸ 46 ປີ ລາຍນີ້ຢ່າງເປັນທາງການ.