ແມນ ຊິຕີ້ ຕໍ່ສັນຍາ ຈູລຽນ ອັນວາເຣສ ຢ່າງເປັນທາງການ

ແມນເຊັສເຕີ ຊິຕີ້ ສະໂມສອນມະຫາເສດຖີຂອງເວທີ ພຣີເມຍລີກ ອັງກິດ ຢືນຢັນຢ່າງເປັນທາງການແລ້ວ. ໃນວັນພະຫັດທີ 16 ມີນານີ້ວ່າ ຈູລຽນ ອັນວາເຣສ ກອງໜ້າຕົວເກັ່ງຂອງ ອາເຈນຕິນາ. ໄດ້ຕໍ່ສັນຍາໃນສະໜາມ ເອຕິຮັດ ອອກໄປຈົນຮອດທ້າຍເດືອນມິຖຸນາ 2028 ເປັນທີ່ຮຽບຮ້ອຍ.

ດາວເຕະໄວ 23 ປີ ຍ້າຍຈາກ ລິເວີ ເພຣສ ມາຮ່ວມທັບ “ເຮືອໃບສີຟ້າ” ເມື່ອລະດູຮ້ອນທີ່ຜ່ານມາ ແລະ ເຮັດຜົນງານໄດ້ຢ່າງປະທັບໃຈທັນທີ ລະດູການນີ້ ລາວລົງຫລິ້ນໃຫ້ກັບ ແມນເຊັສເຕີ ຊິຕີ້ ລວມ 33 ນັດໃນທຸກການແຂ່ງຂັນ ຍິງໄດ້ 10 ປະຕູ.

ດາວເຕະໄວ 23 ປີ ເຫລືອສັນຍາໄລຍະຍາວກັບ ແມນ ຊິຕີ້ ຈົນເຖິງລະດູຮ້ອນປີ 2027, ແຕ່ບໍ່ດົນມານີ້ລາວໄດ້ເຊັນສັນຍາສະບັບໃຫມ່. ຖືວ່າເປັນການຂະຫຍາຍສັນຍາຈາກເດີມໄປອີກ 1 ປີ.