ປືນເສົ້າ ຕໍ່ເວລາດວນຈຸດໂທດເສຍຄາບ້ານ ໃຫ້ ລິສບອນ 3-5 ຕົກຮອບ 16 ທີມ ຢູໂຣປາ
ອາເຊນອລ ທີມນຳຂອງ ພຣີເມຍລີກ ຕ້ອງອຳລາ ຢູໂຣປາ ລີກ ຮອບ 16 ທີມສຸດທ້າຍ ຫລັງສະເໝີກັນກັບ ສະປອດຕິງ ລິສບອນ 1-1 ໃນ 120 ນາທີ (ລວມ 3-3) ກ່ອນດວນຈຸດໂທດເສຍໄປ 3-5 ຢ່າງໂສກເສົ້າ.
ເກມນີ້ ກຣານິດ ຊາກ້າ ຍິງປະຕູໃຫ້ ທີມເຈົ້າບ້ານຂຶ້ນນຳກ່ອນ 1-0 ໃນນາທີ 19 ຂອງເກມ ແຕ່ເຄິ່ງເວລາທີສອງ 62 ເປໂດຣ ກອນຊາເວສ ລັກໄກ່ຍິງຈາກໄລຍະໄກເກືອບເຄິ່ງສະໜາມ ໄລ່ຕີສະເໝີໃຫ້ທີມຢາມ 1-1 ກ່ອນທີ່ກ່ອນສິ້ນສຸດ 90 ນາທີດ້ວຍຄະແນນນີ້
ຈາກນັ້ນ, ໃນຊ່ວງຕໍ່ເວລາພິເສດ ລີສບອນ ມາເຫລືອຜູ້ຫລິ້ນ 10 ຄົນ ໃນນາທີ 118 ມານູເອລ ຖືກໃບແດງໄລ່ອອກໄປ ແຕ່ຕະຫລອດການຕໍ່ເວລາພິເສດບໍ່ມີໃຜຍິງປະຕູໄດ້ຈົບ 120 ນາທີ ສະເໝີ 1-1. ລວມຜົນການແຂ່ງຂັນ 2 ນັດສະເໝີກັນ 3-3, ຕ້ອງໄປດວນຈຸດໂທດເພື່ອຕັດສິນຫາຜູ້ຊະນະ
ຈົນມາເຖິງຜູ້ຍິງລູກທີ 4 ກາເບຣີລ ມາຕິນເນລີ ຂອງ ອາເຊນອລ ໄປຕິດເຊຟຂອງ ອັນໂຕນິໂອ ອາດານ ເຮັດໃຫ້ທີມຢາມໄດ້ປຽບກ່ອນ ນູໂນ ຊານໂຕສ ຍິງເປັນຄົນສຸດທ້າຍໃຫ້ ລິສບອນ ຊະນະ 5-3 ຈາກຈຸດໂທດສົ່ງ “ປືນໃຫຍ່” ຕົກຮອບຄາບ້ານແບບສຸດເຈັບ.
