ແມນເຊສເຕີ ຢູໄນເຕັດ ທຸ່ມງົບເປັນສະຖິຕິສະໂມສອນດຶງ ຣ້ອງດັລ ໂຄໂລ ມູອານີ ຊ່ວຍຜະລິດປະຕູ

ແມນເຊສເຕີ ຢູໄນເຕັດ ຕົກເປັນຂ່າວກຽມຈ່າຍງົບເປັນສະຖິຕິໃຫມ່ຂອງສະໂມສອນກວ່າ 105 ລ້ານປອນ ໃນການເຊັນສັນຍາກັບ ຣ້ອງດັລ ໂຄໂລ ມູອານີ ກອງໜ້າ ໄອທຣັກ ແຟຣັງເຟີດ ມາຮ່ວມທີມລະດູການນີ້.

ໂດຍ ເອຣິກ ເທັນ ຮາກ ຜູ້ຈັດການທີມຂອງ ແມນເຊສເຕີ ຢູໄນເຕັດ ສະແດງທ່າທີຈະແຈ້ງວ່າຕ້ອງການນັກເຕະໃນຕຳແໜ່ງກອງໜ້າຄົນໃຫມ່ມາເສີມໃນຕະຫລາດໜ້າຮ້ອນນີ້ ຫລັງ ອອງໂຕນີ ມາຊິຢາລ ດາວຍິງຊາວຝຣັ່ງພວມຈະຫມົດສັນຍາລົງ.

ທີ່ຜ່ານມາພວກເຂົາຕົກເປັນຂ່າວກັບຫົວໜ້າທີມຫລາຍຄົນ ທັງ ວິກເຕີ ໂອຊິມເຮນ ຈາກ ນາໂປລີ, ແຮຣີ ເຄນ ຈາກສະເປີ, ກອນຊາໂລ ຣາມອສ ຈາກເບນຟີກາ ແລະ ດູຊານ ວະລາໂຮວິດ ຈາກ ຢູເວນຕຸສ.

ແຕ່ຫລ້າສຸດ Bild ສື່ຊື່ດັງຂອງເຢຍລະມັນລະບຸວ່າ : ແມນເຊສເຕີ ຢູໄນເຕັດ ສົນໃຈຄວ້າ ໂຄໂລ ມູອານີ ກອງໜ້າ ແຟຣັງເຟີດ ມາເສີມເກ່ັງຫລັງນັກເຕະສ້າງຜົນງານໃຫ້ກັບທີມ ໄດ້ຢ່າງດີເດ່ັນໃນລະດູການນີ້ ດ້ວຍການຍິງໄປແລ້ວ 16 ປະຕູຈາກການລົງສະໜາມ 34 ເກມທຸກລາຍການ ລວມເຖິງກັບທີມຊາດຝຣັ່ງໃນບານໂລກ 2022 ທີ່ຜ່ານມານຳອີກ.

ມີລາຍງານວ່າເພີ່ມອີກວ່າ ແມນເຊສເຕີ ຢູໄນເຕັດ ພ້ອມຈ່າຍງົບປະມານສະໂມສອນກວ່າ 105 ລ້ານປອນ ໃນການປິດການຂາຍດາວເຕະອາຍຸ 24 ປີລາຍນີ້ເສີມທີມໃນຕະຫລາດໜ້າຮ້ອນ ຂະນະທີ່ ແຟຣັງເຟີດ ກໍພ້ອມຈະປ່ອຍ ມູອານີ ອອກຈາກທີມເຊັ່ນດຽວກັນ ຫາກໄດ້ຂໍ້ສະເໜີບໍ່ຕຳກວ່າ 90 ລ້ານປອນ.

ທັງນີ້ນອກຈາກ ແມນເຊສເຕີ ຢູໄນເຕັດ ແລ້ວຍັງມີ ປາຣີສ ແຊັງ ແຊັກແມັງ ທີ່ຈັບຕາສະຖານະການຂອງ ມູອາມີ ເຊັ່ນດຽວກັນ.