ອາຣັບບີ ຊາອຸດິດ ຈະເປີດສາຍການບິນໃໝ່ ເພື່ອສົ່ງເສີມການທ່ອງທ່ຽວ
March 14, 2023 - 3:59 PM
ສຳນັກຂ່າວຕ່າງປະເທດລາຍງານ: ວັນທີ 14 ມີນາ 2023 ນີ້, ອາຣັບບີ ຊາອຸດິດ ຈະເປີດ ສາຍການບິນໃໝ່ ຂອງລັດອີກສາຍໜຶ່ງ ເພື່ອເຂົ້າແຂ່ງຂັນ ໃນລະດັບພາກພື້ນ ຫລັງຈາກ ປະເທດຫັນມາສົ່ງເສີມການທ່ອງທ່ຽວ ເພື່ອພະຍາຍາມກະຈາຍເສດຖະກິດ ແລະ ຫລຸດຜ່ອນ ການເພີ່ງພາອາໄສ ລາຍໄດ້ທີ່ມາຈາກນ້ຳມັນ ຫລັງຈາກ ສາຍການບິນ ຣີຢາດແອ (“Riyad Air”,) ຕັ້ງຢູ່ ນະຄອນຫລວງ ຣີຢາດ ມີເປົ້າໝາຍທີ່ຈະໃຫ້ການບິນໄປຍັງຈຸດໝາຍ ປາຍທາງ 100 ແຫ່ງ ພາຍໃນປີ 2030 ແລະ ຈະເປັນສາຍການບິນ ໄດ້ມາດຕະຖານ ແລະ ປອດໄພ ດີທີ່ສຸດໃນໂລກ. ຂະນະທີ່ ສາຍການບິນຕ່າງໆ ໃນພາກພື້ນ ຕາເວັນອອກກາງ ໃຊ້ປະໂຫຍດ ຈາກຕຳແໜ່ງທາງພາກພື້ນ ເປັນປະຕູເຊື່ອມຕໍ່ ລະຫວ່າງ ສະຫະພາບເອີຣົບ,ອາຊີ ແລະ ອາຟຣິກາ ເພື່ອຫລີກລ້ຽງ ຜົນກະທົບ ຈາກສົງຄາມ ຣັດເຊຍ-ອູແກຣນ ໃນປັດຈຸບັນ.
