ອາກຊັງຕິນ ປະເທດສົ່ງອອກທັນຍາພືດລາຍໃຫຍ່ຂອງໂລກ ກຳລັງປະເຊີນກັບໄພແຫ້ງແລ້ງໃນຮອບຫລາຍປີ

ສຳນັກຂ່າວຕ່າງປະເທດລາຍງານເມື່ອອາທິດຜ່ານມາວ່າ: ອາກຊັງຕິນກຳລັງເກີດໄພແຫ້ງແລ້ງຄັ້ງປະຫວັດສາດທີ່ທຳລາຍພືດຜົນ ເຮັດໃຫ້ວິກິດເສດຖະກິດຂອງປະເທດຮ້າຍແຮງໜັກກວ່າເກົ່າພ້ອມທັງສົ່ງຜົນກະທົບຢ່າງໜັກຕໍ່ການກະເສດ.

ປະເທດ ອາກຊັງຕິນ ເຊິ່ງເປັນຜູ້ສົ່ງອອກທັນຍາພືດລາຍໃຫຍ່ຂອງໂລກກຳລັງພົບກັບໄພແຫ້ງແລ້ງຄັ້ງຮ້າຍແຮງທີ່ສຸດໃນຮອບຫລາຍກວ່າ 60 ປີ ສົ່ງຜົນໃຫ້ການເກັບກ່ຽວຖົ່ວເຫລືອງ ແລະ ສາລີຫລຸດລົງຫຼາຍ.

ທ່ານ ຈູລິໂອ ກັນຊາດາ ຫົວໜ້າຝ່າຍວິໄຈເສດຖະກິດຂອງຕະຫລາດຫໍການຄ້າໂຣຊາຣິໂອ ກ່າວວ່າ: ຊາວກະສິກອນກຳລັງພົບການ ສູນເສຍ ປະມານ 14.000 ລ້ານໂດລາ ແລະ ຜົນຜະລິດທັນຍາພືດຫລຸດລົງປະມານ 50 ລ້ານໂຕນ.