ແມນຢູ ພ້ອມຊື້ ແຮຣີ ເຄນ ຄ່າຕົວສະຖິຕິໃຫມ່ນັກເຕະອັງກິດລາຄາແພງທີ່ສຸດ

ແມນເຊສເຕີ ຢູໄນເຕັດ ເອົາແທ້ເລື່ອງຄ່າຕົວ ແຮຣີ ເຄນ ໂດຍຫວັງລົງທຶນແບບເປັນສະຖິຕິໃຫມ່ນັກເຕະຊາວອັງກິດລາຄາແພງທີ່ສຸດ.

ສຳນັກຂ່າວ Mirror ລາຍງານວ່າ ແມນເຊສເຕີ ຢູໄນເຕັດ ແຫ່ງພຣີເມຍລີກ ອັງກິດ ເອົາແທ້ເລື່ອງລ່າຕົວ ແຮຣີ ເຄນ ກອງໜ້າຄູ່ແຂ່ງຮ່ວມລີກ ທັອດແນມ ຮັອດສະເປີ ໂດຍຫວັງລົງທຶນເປັນສະຖິຕິໃຫມ່ຂອງອັງກິດ.

ໂດຍຕອນນີ້ ເອຣິກ ເທນ ຮາກ ຜູ້ຈັດການທີມ ແມນເຊສເຕີ ຢູໄນເຕັດ ຕ້ອງການນັກເຕະປະເພດສູນໜ້າເປັນເປົ້າຫມາຍຫລັກ ເຊິ່ງຜູ້ຈັດການລາຍນີ້ເຊື່ອວ່າ ເຄນ ຈະເປັນຄົນຕອບໂຈດໄດ້ ເຖິງຈະມີ ວິກເຕີ ໂອຊິເມນ ກອງໜ້ານາໂປລີ ແຫ່ງລີກ ອິຕາລີ ເປັນອີກຕົວເລືອກກໍຕາມ.

ລາຍງານລະບຸວ່າ ເທນ ຮາກ ຍັງບໍ່ພໍໃຈຂຸມກຳລັງໃນກອງໜ້າທີ່ມີຢູ່ ເຊ່ັນ : ເວົາເວກຮອສ ເຊິ່ງໜ້າຈະແຍກທາງໄປຫລັງຫມົດສັນຍາຢືມຕົວຈົບລະດູການນີ້, ອອງໂຕນີ ມາກຊີຢາລ ທີ່ມີອາການບາດເຈັບລົບກວນເລື້ອຍໆ ຫລື ແມ່ນແຕ້ ມາຄັສ ແຣສຟອດ ທີ່ເຖິງຈະຢູ່ໃນໄລຍະຜົນງານດີ ແຕ່ກໍມີຫລາຍຈັງຫວະທີ່ຖິ້ມໂອກາດຄຳໄປ.

ນອກຈາກນີ້ ລາຍງານຍັງລະບຸວ່າ ແມນຢູ ບໍ່ມີບັນຫາເລື່ອງທີ່ ແຮຣີ ເຄນ ທີ່ມີອາຍຸ 29 ປີແລ້ວ ໂດຍພ້ອມຈະຊື້ຕົວດ້ວຍຕົວເລກທີ່ເຮັດໃຫ້ນັກເຕະລາຍນີ້ກາຍເປັນນັກເຕະຊາວອັງກິດລາຄາແພງຄົນໃຫມ່ ແທນທີ່ຂອງ ແຈັກ ກຣີລີສ ເຊິ່ງຍ້າຍໄປຢູ່ກັບ ແມນເຊສເຕີ ຊິຕີ 100 ລ້ານປອນ.

ປັດຈຸບັນ ເຄນ ມີສັນຍາຢູ່ກັບ ສະເປີ ຈົນເຖິງປີ 2024 ເຊິ່ງທ່າອ່ຽງຈາກລາຍງານຂ່າວຊື້ວ່າໂອກາດທີ່ລາວຈະຂະຫຍາຍສັນຍາເພີ່ມນັ້ນເກືອບຈະບໍ່ມີແວ ເຮັດໃຫ້ເປັນໄປໄດ້ວ່າ ສະເປີ ອາດຍອມຂາຍນັກເຕະລາຍນີ້ອອກຈາກທີມຖ້າໄດ້ລາຄາທີ່ໜ້າພໍໃຈ.