ຟື້ນໂຕໄວ! ເທນຮາກ ຢືນຢັນ ອີຣິກເຊັນ ຂະເຊົາເຈັບທັນຊ່ວຍລະດູການນີ້

ເອຣິກ ເທນຮາກ ຜູ້ຈັດການທີມຂອງ ແມນເຊັສເຕີ ຢູໄນເຕັດ ຢືນຢັນແລ້ວວ່າແຟນບານຈະໄດ້ເຫັນ ຄຣິສຕຽນ ອີຣິກເຊັນ ກັບມາລົງສະໜາມອີກຄັ້ງໃນລະດູການນີ້ແນ່ນອນ.

ກອງກາງຊາວເດນມາກ ໄດ້ຮັບບາດເຈັບຂໍ້ຕີນໃນເກມ FA Cup ກັບ ເຣດດິ້ງ ໃນເດືອນມັງກອນທີ່ຜ່ານມາ ແລະ ຄາດວ່າມັນອາດຈະໃຊ້ເວລາພັກຍາວເຖິງເດືອນພຶດສະພາຫລືອາດຈະດົນກວ່ານັ້ນ.

ຢ່າງໃດກໍ່ຕາມ, ເທນຮາກ ເປີດເຜີຍວ່າການຟື້ນຕົວຂອງ ອີຣິກເຊັນ ກໍາລັງດໍາເນີນໄປດ້ວຍດີ ແລະ ອາດຈະລົງຊ່ວຍໃຫ້ທີມລຸ້ນຄວາມສໍາເລັດໃນທ້າຍລະດູການ.