ມາຄັສ ແຣສຟອດ ຄວ້າລາງວັນນັກເຕະດີເດ່ັນພຣີເມຍລີກເດືອນກຸມພາ ເປັນຄັ້ງທີ 3 ໃນລະດູການນີ້

ມາຄັສ ແຣສຟອດ ກອງໜ້າ ແມນເຊສເຕີ ຢູໄນເຕັດ ຄວ້າລາງວັນນັກເຕະດີເດ່ັນປະຈຳເດືອນກຸມພາຂອງພຣີເມຍລີກໄປຄອງ ພ້ອມເປັນຄັ້ງທີ 3 ໃນລະດູການນີ້.

ໂດຍ ແຣສຟອດ ສ້າງຜົນງານໄດ້ຢ່າງດີເດ່ັນກັບ ແມນເຊສເຕີ ຢູໄນເຕັດ ນັບຕັ້ງແຕ່ຈົບການແຂ່ງຂັນບານໂລກ 2022 ຈົນເຮັດໃຫ້ເດືອນມັງກອນ ລາວໄດ້ຮັບຕຳແໜ່ງນັກເຕະດີເດ່ັນພຣີເມຍລີກປະຈຳເດືອນດັ່ງກ່າວໄປຄອງ.

ແລະ ໃນເດືອນກຸມພາ ທີ່ຜ່ານມາດາວເຕະອາຍຸ 25 ປີລາຍນີ້ຍັງຮັກສາຜົນງານເກ່ັງຕໍ່ເນື່ອງດ້ວຍການຍິງປະຕູໄປ 5 ປະຕູ ຈາກ 4 ເກມ ຊ່ວຍແມນຢູ ເກັບໄຊໄດ້ 3 ເກມ ຄອງຜົນງານອັນດັບ 3 ຂອງຕາຕະລາງໃນຂະນະນີ້.