ສະຫວັນນະເຂດຈັດສຳມະນາວຽກງານຮ່ວມມື ລາວ-ຫວຽດນາມ

ກອງປະຊຸມສຳມະນາວຽກ ງານຮ່ວມມື ລາວ-ຫວຽດນາມ ໄດ້ຈັດຂຶ້ນທີ່ພະແນກແຜນການ ແລະ ການລົງທຶນແຂວງສະຫວັນ ນະເຂດໃນວັນທີ 4-5 ກັນຍານີ້, ພາຍໃຕ້ການເຂົ້າຮ່ວມ ຂອງ ທ່ານ ສຸພັນ ແກ້ວມີໄຊ ລັດຖະມົນຕີກະ ຊວງແຜນການ ແລະ ການລົງ ທຶນ ແລະ ທ່ານ ສັນຕິພາບ ພົມວິ ຫານ ເຈົ້າແຂວງສະຫວັນນະ ເຂດ, ມີຂະແໜງແຜນການ- ການລົງທຶນຈາກ 17 ແຂວງ ແລະ ນະຄອນຫລວງວຽງຈັນ ເຂົ້າຮ່ວມ.

+ ເມືອງແປກເຜີຍແຜ່ນິຕິກຳດ້ານການສ້າງບ້ານພັດທະນາ ດ້ານແຮງງານ ແລະ ສະຫວັນດີການສັງຄົມ

+ ປະທານ ໂຮ່ຈີມິງ ແລະ ປະທານ ໄກສອນ ພົມວິຫານ ຜູ້ປູພື້ນຖານໃຫ້ແກ່ການພົວພັນຮ່ວມມືແບບພິເສດ ລາວ-ຫວຽດນາມ

ກອງປະຊຸມຄັ້ງນີ້ໄດ້ຍົກໃຫ້ ເຫັນເນື້ອໃນຂອງກອງປະຊຸມຄັ້ງ ທີ 39 ຂອງຄະນະກຳມະການ ຮ່ວມມື ລາວ-ຫວຽດນາມ, ການ ກວດກາບັນດາໂຄງການຮ່ວມມື ແລະ ການລົງທຶນ, ເຜີຍແຜ່ກົດ ໝາຍສົ່ງເສີມການລົງທຶນສະບັບ ປັບປຸງໃໝ່ແນ່ໃສ່ຊຸກຍູ້ສົ່ງເສີມ ການຮ່ວມມື ແລະ ການລົງທຶນ, ສອງປະເທດລາວ-ຫວຽດນາມ, ໃຫ້ໄປຕາມທິດທາງແຜນການ ທີ່ ສອງພັກ, ສອງລັດຖະບານໄດ້ ຕົກລົງກັນແນໃສ່ປະກອບສ່ວນ ເຂົ້າໃນການຜັນຂະຫຍາຍຂໍ້ຕົກ ລົງສະຫວ່າງການນຳຂັ້ນສູງໃນ ແຕ່ລະໄລຍະໃຫ້ເກີດໝາກຜົນ ຕົວຈິງ; ທັງນີ້ກໍ່ເພື່ອເປັນການ ຈັດກິດຈະກຳສະເຫລີມສະ ຫລອງ 2 ວັນປະຫວັດສາດ ລາວ-ຫວຽດນາມຄື: ວັນສ້າງຕັ້ງ ສາຍພົວພັນການທູດ ຄົບຮອບ 55 ປີ ແລະ ວັນເຊັນສົນທິສັນຍາ ມິດຕະພາບ ແລະ ການຮ່ວມມືຄົບ ຮອບ 40 ປີ.

ກອງປະຊຸມຄັ້ງນີ້ຍັງໄດ້ຮັບ ຟັງການລາຍງານເຖິງການ ຮ່ວມມື, ການລົງທຶນຢູ່ໃນບັນດາ ແຂວງຕ່າງໆຂອງ ສປປ ລາວ, ເພື່ອປຶກສາຫາລືແລກປ່ຽນບົດ ຮຽນ, ເສີມຂະຫຍາຍອັນດີ ແລະ ປັບປຸງແກ້ໄຂບັນດາຈຸດອ່ອນ ແລະ ຂໍ້ຄົງຄ້າງຕ່າງໆ ໃຫ້ໝົດ ໄປ, ປະກອບສ່ວນເພີ່ມທະວີ ການພົວພັນຮ່ວມມືຊ່ວຍເຫລືອ ເຊິ່ງກັນ ແລະ ກັນລະຫວ່າງສອງ ປະເທດໃຫ້ນັບ ມືກ້າວສູ່ລວງເລິກ ແລະ ແຕກດອກອອກຜົນຫງອກ ງາມຍິ່ງໆຂຶ້ນ.