ສະຖາບັນການເງິນຂອງອາເມລິກາປະເມີນວ່າ ການຜະລິດນໍ້າມັນເຊື້ອໄຟຂອງຣັດເຊຍຈະຟື້ນຟູສູ່ລະດັບປົກກະຕິ ໃນເດືອນມິຖຸນາ 2023
March 7, 2023 - 4:03 PM
ຂ່າວຕ່າງປະເທດລາຍງານ ວັນທີ 6 ມີນາ 2023 ນີ້ວ່າ: ທະນາຄານ ເຈ ພີ ມໍແກນ(J.P.Morgan) ເປັນສະຖາບັນບໍລິການດ້ານການເງິນຂອງອາເມລິກາໄດ້ເຜີຍແຜ່ບົດລາຍງານການປະເມີນວ່າປະເທດຕາເວັນຕົກໄດ້ປະຕິບັດມາດຕະການລົງໂທດທີ່ແນໃສ່ນໍ້າມັນເຊື້ອໄຟຂອງຣັດເຊຍເປັນຫຼາຍຮອບ, ສົ່ງຜົນເຮັດໃຫ້ການສົ່ງອອກນໍ້າມັນຂອງຣັດເຊຍທີ່ມີຕໍ່ເອີຣົບນັ້ນຫຼຸດໜ້ອຍລົງກໍຕາມ, ແຕ່ເນື່ອງຈາກວ່າຄວາມຕ້ອງການຢູ່ພາກພື້ນອາຊີເພີ່ມຂຶ້ນ, ຈຶ່ງເຮັດໃຫ້ການສົ່ງອອກນໍ້າມັນເຊື້ອໄຟຂອງຣັດເຊຍບໍ່ໄດ້ຮັບຜົນກະທົບຫຼາຍປານໃດ. ບົດລາຍງານສະບັບດັ່ງກ່າວຄາດຄະເນວ່າ, ໃນເດືອນມິຖຸນາປີນີ້, ຣັດເຊຍຈະສາມາດຟື້ນຟູປະລິມານການຜະລິດນໍ້າມັນເຊື້ອໄຟໃຫ້ກັບຄືນສູ່ສະພາບປົກກະຕິຄືກັນກັບໄລຍະກ່ອນເກີດການປະທະກັນລະຫວ່າງຣັດເຊຍ-ຢູເຄຣນທີ່ສາມາດຜະລິດນໍ້າມັນເຊື້ອໄຟໄດ້ 10.800.000 ບາເຣລຕໍ່ມື້.
ເລີ່ມຕົ້ນຈາກເດືອນກຸມພາປີນີ້, ສະຫະພາບເອີຣົບ ແລະ ກຸ່ມ G7 ປະເທດໄດ້ປະຕິບັດມາດຕະການຈໍາກັດລາຄານໍ້າມັນເຊື້ອໄຟຂອງຣັດເຊຍທີ່ສົ່ງອອກຜ່ານການຂົນສົ່ງທາງເຮືອໃຫ້ຢູ່ໃນລະດັບ 60 ໂດລາຕໍ່ບາເຣລ, ສ່ວນຝ່າຍຣັດເຊຍໄດ້ປະກາດຫຼຸດປະລິມານການຜະລິດນໍ້າມັນເຊື້ອໄຟໃນຈໍານວນ 500.000 ບາເຣນຕໍ່ມື້ໃນເດືອນມິນານີ້, ເທົ່າກັບ 5% ຂອງຍອດປະລິມານການຜະລິດນໍ້າມັນເຊື້ອໄຟທັງໝົດຂອງຣັດເຊຍ, ເພື່ອຕອບໂຕ້ຕໍ່ມາດຕະການຈໍາກັດລາຄານໍ້າມັນເຊື້ອໄຟຂອງປະເທດຕາເວັນຕົກ.
