ຝຸ່ນພິດຂະໜາດນ້ອຍໃນ ສປ ຈີນ ຫລຸດລົງ57%ໄລຍະ10ປີຜ່ານມາ
March 8, 2023 - 10:00 AM
ສຳນັກຂ່າວ ຊິນຮວາຂອງ ສປ ຈີນ, ເມື່ອບໍ່ດົນມານີ້, ທ່ານ ຫວັງ ຣຸນ ຊີວ, ລັດຖະມົນຕີ ກະຊວງ ນິເວດ ແລະ ສິ່ງແວດລ້ອມ ຂອງ ສປ ຈີນ ເປີດ ເຜີຍວ່າ: ລະດັບ ຄວາມເຂັ້ມຂຸ້ນ ຂອງຝຸ່ນພິດ ຂະໜາດນ້ອຍ (PM2.5) ໃນປະເທດ ຊຶ່ງເປັນຕົວຊີ້ວັດ ມົນລະພິດ ທາງອາກາດ ທີ່ສຳຄັນ ຫລຸດລົງ 57% ໃນໄລຍະ 1ປີຜ່ານມາ. ການປ່ອຍ ອາຍ ພິດ ຄາບອນ ໄດອອກໄຊ ຂອງ ສປ ຈີນ ເປັນອັດຕາສ່ວນ ຂອງລວມຍອດ ຜະລິດ ຕະພັນ ພາຍໃນ (GDP) ຫລຸດລົງ 34.4% ໃນລະຫວ່າງ ປີ 2012 ຫາ 2021.ຂໍ້ມູນ ຈາກກະຊວງ ດັ່ງ ກ່າວ ໄດ້ສະແດງ ໃຫ້ເຫັນວ່າ: ໃນປີ 2022, ຄວາມເຂັ້ມຂຸ້ນ ຂອງຝຸ່ນ PM 2.5 ໄດ້ຫລຸດດລົງ 3,3% ເມື່ອທຽບໃສ່ປີ 2012 ມາເປັນ 29 ໄມໂຄກຣາມ ຕໍ່ແມັດກ້ອນ.ຂະນະທີ່ ສປ ຈີນ ຈະເພີ່ມທະວີ ຄວາມພະຍາຍາມ ປ້ອງກັນ ແລະ ຄວບຄຸມ ມົນລະພິດ ໃນປີ 2023 ຢ່າງເຂັ້ມງວດ.
ພາບຂ່າວ: ຂປລ
