ໄຊສົມບູນດຳເນີນການເຜີຍແຜ່ຜົນສຳເລັດກອງປະຊຸມສາມັນຄົບຄະນະ ກຳມະການສູນກາງແນວລາວສ້າງຊາດຄັ້ງທີ 2 ສະໄໝທີ X

ວັນທີ 5 ກັນຍານີ້, ອົງ ການແນວລາວສ້າງຊາດ ແຂວງ ໄຊບູນສົມທົບກັບອົງການແນວ ລາວສ້າງຊາດ ເມືອງຮົ່ມ, ຈັດ ກອງປະຊຸມເຜີຍແຜ່ຜົນສຳ ເລັດຂອງກອງປະຊຸມສາມັນ ຄົບຄະນະກຳມະການສູນກາງ ແນວລາວສ້າງຊາດຄັ້ງທີ 2 ສະໄໝທີ x ແລະ ແນະນຳມາດ ຖານເງື່ອນໄຂການສ້າງຄອບ ຄົວ ແລະ ບ້ານສາມັກຄີປອງ ດອງຂອງແນວລາວ ສ້າງຊາດ, ຂຶ້ນທີ່ເທສະບານ ແຂວງ, ໂດຍ ການເປັນ ປະທານ ຂອງທ່ານ ເລັງຊົ່ງ ຕົ່ງສີ, ຄະນະກຳມະ ການສູນກາງແນວລາວສ້າງ ຊາດ, ປະທານແນວລາວສ້າງ ຊາດ ແຂວງໄຊສົມບູນ; ມີຫົວ ໜ້າຮອງຫົວໜ້າຫ້ອງການ, ກົມກອງ, ພະນັກງານບຳນານ, ນັກຮົບແຂ່ງຂັນ, ວິລະຊົນແຫ່ງ ຊາດເຂົ້າຮ່ວມຢ່າງພ້ອມພຽງ.

+ ກອງປະຊຸມຄົບຄະນະບໍລິຫານງານພັກກະຊວງການເງິນ ເລັ່ງແກ້ໄຂບັນຫາຄົງຄ້າງຕ່າງໆ

+ ປະທານສູນກາງແນວລາວສ້າງຊາດມອບເຄື່ອງຊ່ວຍເຫລືອ ຜູ້ໄດ້ຮັບຜົນກະທົບຈາກໄພນ້ຳຖ້ວມຢູ່ເມືອງຈຳພອນ ແລະ ຊົນນະບູລີ

ປະທານແນວລາວສ້າງ ຊາດແຂວງໄຊສົມບູນ ກ່າວວ່າ: ກອງປະຊຸມຄົບຄະນະສູນກາງ ແນວລາວສ້າງຊາດຄັ້ງນີ້ໄດ້ ຄົ້ນຄວ້າຢ່າງເລິກເຊິ່ງ ແລະ ຮັບ ຮອງເອົາຢ່າງເປັນເອກະພາບຕໍ່ ບົດລາຍງານການເຄື່ອນໄຫວ ຂອງຄະນະກຳມະການສູນກາງ ແນວລາວສ້າງຊາດໃນໜຶ່ງປີ ຜ່ານມາ (2016) ແລະ ແຜນ ການຈຸດສຸມໃນຕໍ່ໜ້າ (2017); ຮັບຮອງນິຕິກຳກ່ຽວກັບການ ສ້າງຄອບຄົວ ແລະ ບ້ານສາມັກ ຄີຂອງແນວລາວສ້າງຊາດ ແລະ ການຫັນ 6 ແຜນງານ 68 ໂຄງ ການ, ເພື່ອການພັດທະນາວຽກ ງານແນວລາວສ້າງຊາດໃນ ໄລຍະ 10 ປີຕໍ່ໜ້າ; ຮັບຮອງ ເອົາການປະກາດແຕ່ງຕັ້ງທ່ານນາງ ຍອດແກ້ວມະນີ ສຸພານຸວົງ ເປັນຮອງປະທານສູນກາງແນວລາວສ້າງຊາດ ທີ່ບໍ່ປະຈຳການ, ຮັບຮອງເອົາການປະກາດແຕ່ງຕັ້ງຄະນະກຳມະການກວດ ກາ ສູນກາງແນວລາວສ້າງຊາດ, ຮັບຮອງເອົາການປະກາດແຕ່ງຕັ້ງຄະນະທີ່ປຶກສາ ແລະ ຜູ້ຮ່ວມ ງານສູນກາງແນວລາວສ້າງ ຊາດ ຈຳນວນ 4 ຄະນະຄື: ຄະ ນະທີ່ປຶກສາ ແລະ ຜູ້ຮ່ວມງານ ວຽກງານຊົນເຜົ່າ, ຄະນະທີ່ປຶກ ສາ ແລະ ຜູ້ຮ່ວມງານວຽກງານ ສາສະໜາ, ຄະນະທີ່ປຶກສາ, ຜູ້ ຮ່ວມງານວຽກງານຊັ້ນຄົນ ແລະ ການຈັດຕັ້ງສັງຄົມ, ຄະນະທີ່ປຶກ ສາ ແລະ ຜູ້ຮ່ວມ ງານວຽກງານ ພົວພັນຄົນເຊື້ອສາຍລາວທີ່ດຳ ລົງຊີວິດຢູ່ຕ່າງປະເທດ;ຮັບຮອງເອົາການສະເໜີແຕ່ງຕັ້ງຄະນະ ກຳມະການສູນກາງແນວລາວສ້າງຊາດ ສະໄໝທີ X ປ່ຽນ ແທນ ແລະ ເພີ່ມເຕີມ ຈຳນວນ 4 ທ່ານ. ຈາກນັ້ນ, ຍັງໄດ້ຮັບຟັງ ການເຜີຍແຜ່ຄຳແນະນຳຂອງ ຄະນະປະຈຳສູນກາງແນວລາວ ສ້າງຊາດວ່າດ້ວຍການຈັດຕັ້ງ ປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງ ດອງ ຂອງແນວລາວສ້າງຊາດ ອີກດ້ວຍ.