ສື່ອີຕາລີຕີຂ່າວ ອາເຊນອລ ເຕັງໜຶ່ງແຊງໜ້າ ແມນຢູ, ເຊວຊີ ຄວ້າ ວິເຕີ ໂອຊິມເຮັນ ດາວຍິງ ນາໂປລີ ຮ່ວມທີມລະດູການໜ້າ
ໄຣ ສື່ຍັກໃຫຍ່ແຫ່ງເມືອງພິສຊາ ລະບຸວ່າ ອາເຊນອລ ຈ່າຝູງຂອງ ພຣີເມຍລີກ ຕົກເປັນເຕັງໜຶ່ງທີ່ຈະໄດ້ຕົວ ວິກເຕີ ໂອຊິມເຮັນ ກອງໜ້າດາວຍິງຂອງ ນາໂປລີ ມາເສີມຄວາມຄົມໃນລະດູການໜ້າ ເຖິງແມ່ນວ່າດາວເຕະທີມຊາດໄນຈີເຣຍ ຈະຕົກເປັນເປົ້າໝາຍຂອງທັງ ເຊວຊີ ແລະ ແມນເຊັສເຕີ ຢູໄນເຕັດ.
ໂອຊິມເຮັນ ຍອດກອງໜ້າຕົວເກັ່ງຂອງທີມຈ່າຝູງຂອງ ຊີເຣຍອາ ຕົກເປັນຂ່າວກັບທີມບານເຕະຂອງເມືອງຜູ້ດີອີກ ຈົນຫລ້າສຸດ ໄຣ ເປີດເຜີຍວ່າ ອາເຊນອລ ກາຍເປັນທີມໂຕເຕັງທີ່ຈະຄວ້າແຊັມດາວຍິງຊາວອາຟຣິກາ ມາຮ່ວມທີມໄດ້ເຖິງວ່າຈະຕົກເປັນເປົ້າໝາຍ ໂດຍສອງສະໂມສອນພຣີເມຍລີກເຊັ່ນດຽວກັບ ປາຣີ ແຊັງ-ແຊັກແມັງ ທີ່ມີຄວາມສຳພັນທີ່ດີກັບນາໂປລີ ເນື່ອງຈາກການຍ້າຍຕົວຜູ້ຫລິ້້ນເປັນປະຈຳລະຫວ່າງສອງສະໂມສອນເຊັ່ນ: ເອເຊຄິວ ລາເວດຊີ, ເອດິນສັນ ຄາວານີ ແລະ ຟາບຽນ ຣູຍຊ໌.
ແນວໃດກໍ່ຕາມ ສື່ດັງລະບຸວ່າ ປືນໃຫຍ່ ພ້ອມແລ້ວທີ່ຈະໄລ່ລ່າຕົວ ກອງໜ້າໄວ 24 ປີ ທີ່ຍິງໄປແລ້ວ 19 ປະຕູຈາກ 21 ນັດໃນລະດູການນີ້ ແຕ່ພວກເຂົາຕ້ອງຈ່າຍເງິນຢ່າງໜ້ອຍບໍ່ຕ່ຳກວ່າ 133 ລ້ານປອນ ອີງຕາມການລາຍງານຂອງ ເນເປີນ ທີ່ຕັ້ງລາຄາຂາຍ ເຊິ່ງຈະເປັນການທຳລາຍສະຖິຕິຂອງນັກເຕະຄ່າຕົວແພງທີ່ສຸດໃນ ພຣີເມຍລີກ ທີ່ ເຊວຊີ ຖືຄອງຢູ່ຫລັງຈາກ ຈ່າຍເງິນ 106 ລ້ານປອນ ໃນເດືອນມັງກອນ ເພື່ອເຊັນສັນຍາກັບ ເອນໂຊ ເຟີນັລເດສ ກອງກາງທີມຊາດ ອາເຈນຕິນາ.
