ເຫດການໄຟໄໝ້ສາງນໍ້າມັນທີ່ອິນໂດເນເຊຍ ມີຜູ້ເສຍຊິວິດ 17ຄົນ, ບາດເຈັບ 50 ກວ່າຄົນ ແລະ ຫຼາຍພັນຄອບຄົວໄດ້ຮັບຜົນກະທົບ

ວັນທີ 3 ມີນາ 2023  ຜ່ານມາ ສຳນັກດຂ່າວຕ່າງປະເທດລາຍງານວ່າ: ມີເຫດອັກຄີໄພເກີດຂຶ້ນ ທີ່ສະຖານີເກັບເຊື້ອໄຟໃນ ຈາກາຕາ Jakarta  ເມືອງຫຼວງຂອງປະເທດອິນໂດເນເຊຍ ເຊິ່ງບັນຈຸນ້ຳມັນໄດ້ເຖິງ 300 ລ້ານລິດ ເຮັດໃຫ້ຫລາພັນຄອບຄົວ ໄດ້ຮັບຜົນກະທົບ ຕ້ອງອົບພະຍົກອອກຈາກພື້ນທີ່ ຫລັງຈາກເກີດສຽງລະເບີດ ແລະ ໄຟໄໝ້ຢ່າງຮຸນແຮງໃກ້ບ່ອນຢູ່ອາໄສຂອງຕົນ.

ຕາມການລາຍງານຫລ້າສຸດ ຈາກເຫດການໄຟໄໝ້ຄັ້ງນີ້ ເຮັດໃຫ້ມີຜູ້ເສຍຊິວິດ 17ຄົນ, ບາດເຈັບ 50 ກວ່າຄົນ ແລະ ປະຊາຊົນຫຼາຍພັນຄອບຄົວໄດ້ຮັບຜົນກະທົບ.

ເຈົ້າໜ້າທີ່ສັນນິຖານວ່າ: ເກີດໄຟໄໝ້ເມື່ອທໍ່ຂົນສົ່ງນ້ຳມັນຮົ່ວ ໄລຍະຕອນຝົນຕົກໜັກທີ່ຜ່ານມາ ພ້ອມມີຟ້າຜ່າ ຈົນພາໃຫ້ເກີດເຫດການດັ່ງກ່າວຂຶ້ນ.