ກະສັດປິດລ້ອມເມືອງ ໂດຍໃຫ້ຜູ້ຍິງໃນເມືອງແບກຫຍັງອອກມາກໍໄດ້

ກະສັດປິດລ້ອມເມືອງ ໂດຍໃຫ້ຜູ້ຍິງໃນເມືອງແບກຫຍັງອອກມາກໍໄດ້ ເຊິ່ງສິ່ງທີ່ພວກເຂົາແບບອອກມາແມ່ນຜູ້ຊາຍໃນເມືອງ

.

ໃນປີ 1140 ຄອນຣາດ ທີ3 (Conrad III) ກະສັດແຫ່ງເຢຍລະມັນໄດ້ເຮັດສົງຄາມກັບດຸກເວບທີ 6 ແຫ່ງບາວາເລຍ (Welf VI of Bavaria) ເຊິ່ງກອງທັບຄອນຣາດໄດ້ປິດລ້ອມເມືອງ ວາຍເບີກ (Weinsberg) ທີ່ຕັ້ງຢູ່ທາງຕາເວັນຕົກສຽງໃຕ້ຂອງປະເທດເຢຍລະມັນໃນປັດຈຸບັນ

.

ກ່ອນທີ່ຄອນຣາດຈະສັ່ງໃຫ້ທະຫານບຸຸກໂຈມຕີ ພະອົງກໍໄດ້ປະກາດໄວ້ຊີວິດຜູ້ຍິງທຸກຄົນທີ່ຢູ່ໃນເມືອງນີ້ ໂດຍການແບບກຫຍັງຈາກເມືອງອອກມາກໍໄດ້

ປາກົດວ່າສິ່ງທີ່ຜູ້ຍິງເຫລົ່ານັ້ນເລືອກທີ່ຈະແບບອອກມາຊໍ້າພັດບໍ່ແມ່ນວັດຖຸມີຄ່າແຕ່ຢ່າງໃດ ແຕ່ເປັນຜູ້ຊາຍທີ່ຢູ່ໃນເມືອງນັ້ນເອງ ເຊິ່ງຈະມີຜູ້ທີ່ເປັນທັງພໍ່, ຜົວ, ລູກຊາຍ ຫລື ຜູ້ຊາຍທີ່ບໍ່ຮູ້ຈັກກໍຕາມ

ເມື່ອຄອນຣາດເຫັນດັ່ງນັ້ນ ພະອົງກໍໄດ້ເຮັດຕາມຄໍາເວົ້າທີ່ໄດ້ເຄີຍບອກໄວ້ ໂດຍການບໍ່ປະຫານຊີວິດຜູ້ຍິງ ແລະ ຜູ້ຊາຍທີ່ພວກເຂົາແບບກອອກທຸກຄົນ

.

ເມື່ອອ່ານມາຮອດນີ້ແລ້ວສາມາດເວົ້າໄດ້ວ່າ ສົມບັດທີ່ມີຄ່າ ແມ່ນຄົນໃນຄອບຄົວ ເພາະທຸກຊີວິດມີຄ່າ

.