ເຈົ້າໜ້າທີ່ພາສີຈຸດນາເລົ່າ (ທາງແບ່ງຫລັກ 20) ຢຶດລົດກະບະ TOYOTA VIGO ທີ່ນຳເຂົ້າບໍ່ຖືກຕ້ອງ 2 ຄັນ

ວັນທີ 1 ມີນາ 2023, ເຈົ້າໜ້າທີ່ພາສີພະແນກສືບສວນ-ສອບສວນ ແລະ ປາບປາມການລັກລອບໜີພາສີ (ພສປ) ປະຈຳຈຸດປະສານງານນາເລົ່າ (ທາງແບ່ງຫລັກ 20) ໄດ້ຮັບຂໍ້ມູນຈາກແຫລ່ງຂ່າວພົນລະເມືອງດີມີລົດກະບະ TOYOTA VIGO 4 ປະຕູ ສີຟ້າ 1 ຄັນ, ບໍ່ໃສ່ປ້າຍທະບຽນແລ່ນຢູ່ເສັ້ນທາງເຂດເມືອງໜອງບົກ ແຂວງຄໍາມວ່ນ ແລະ  ໃນເວລາດຽວກັນໄດ້ຮັບແຫລ່ງຂ່າວມີລົດກະບະ TOYOTA 2 ປະຕູແຄບ, ແລ່ນມຸ້ງໜ້າມາແຕ່ທາງເຂດ ເມືອງປາກກະດິງ ມາ ທາງເມືອງຫີນບູນ ແຂວງຄຳມ່ວນ.

ດັ່ງນັ້ນ, ເຈົ້າໜ້າທີ່ພາສີ ພສປ ຈຶ່ງໄດ້ອອກຕິດຕາມ ແລະ ກວດກາ, ຜ່ານການກວດກາສອບຖາມເບື້ອງຕົ້ນເຫັນວ່າ: ເປັນລົດທີ່ນຳເຂົ້າບໍ່ຖືກຕ້ອງ, ບໍ່ມີເອກະສານຢັ້ງຢືນເສຍພາສີ-ອາກອນ ແລະ ພັນທະອື່ນໆ. ພ້ອມນັ້ນເຈົ້າໜ້າທີ່ ຈຶ່ງໄດນຳເອົາລົດທັງ 2 ຄັນມອບໃຫ້ພາສີ ປະຈຳແຂວງຄຳມ່ວນ, ເພື່ອດຳເນີນຕາມຂັ້ນຕອນຂອງກົດໝາຍ ແລະ ລະບຽບການຕໍ່ໄປ.