ຫ້ອງການອຸດສາຫະກຳ ແລະ ການຄ້າເມືອງໂພນທອງ ທຳລາຍສິນຄ້າ ທີ່ໝົດອາຍຸການໃຊ້ງານ ລວມມູນຄ່າຫລາຍຮ້ອຍລ້ານກີບ

ວັນທີ 23 ກຸມພາ 2023 ຫ້ອງການອຸດສາຫະກຳ ແລະ ການຄ້າເມືອງໂພນທອງ ແຂວງຈຳປາສັກ  ທຳລາຍສິນຄ້າອຸປະໂພກ-ບໍລິໂພກ ທີ່ໝົດອາຍຸການໃຊ້ງານ.

ທ່ານ ຄຳພູນ ພອຍດວງດີ ຫົວໜ້າຫ້ອງການອຸດສາຫະກຳ ແລະ ການຄ້າເມືອງໂພນທອງ ລາຍງານໃຫ້ຮູ້ວ່າ: ໃນການຈັດຕັ້ງປະຕິບັດວຽກງານຕິດຕາມກວດກາ ສິນຄ້າ ໝົດອາຍຸ ເຊິ່ງພວກເຮົາໄດ້ລົງເຄື່ອນໄຫວກວດກາ ຕິດຕາມເປັນປົກກະຕິໃນແຕ່ລະ ໄລຍະ. ກໍລະນີກວດພົບເຫັນສິນຄ້າໝົດອາຍຸແຕ່ລະຈຸດ ເຈົ້າໜ້າທີ່ກວດກາການຄ້າ ໄດ້ຂຶ້ນບັນຊີຮິບເອົາສິນຄ້າດັ່ງກ່າວໄວ້ ພ້ອມສ້າງບົດບັນທຶກ ກ່າວເຕືອນເຈົ້າຂອງທຸລະກິດ ເພື່ອບໍ່ໃຫ້ຈຳໜ່າຍສິນຄ້າໝົດອາຍຸຢ່າງເດັດຂາດ.

ສຳລັບສິນຄ້າໝົດອາຍຸທີ່ກວດພົບສາມາດກັກຢຶດໄດ້ໃນປີ 2022 ລວມມູນຄ່າ 111 ລ້ານກວ່າກີບ ໂດຍມີນົມແລັດໂຕໂກຣ 3 , ແປັບຊີ, ໂຄກ, ແຟນຕາ ແລະ ເຂົ້າໜົມຈຳນວນໜຶ່ງ.