ລືຢ່າງສະນັ່ນ, ເຊລຊີ ເລັງເປົ້າຄວ້າ ຊີດານ ຄຸມທີມ ຫາກປົດ ເກຣແຮມ ພັອດເຕີ

ຄະນະບໍລິຫານຂອງເຊລຊີ ສະໂມສອນໃຫຍ່ແຫ່ງ ພຣີເມຍລີກ ອັງກິດ ວາງແຜນກຽມທາບທາມ ຊີເນດິນ ຊີດານ ຜູ້ຈັດການທີມຊາວຝຣັ່ງເຂົ້າມາຄຸມທີມ ຫາກຕັດສິນໃຈປົດ ເກຣແຮມ ພັອດເຕີ ອອກຈາກຕຳແໜ່ງຫລັງສ້າງຜົນງານຕົກຕຳ່.

ລາຍງານລະບຸວ່າ ຝີມື ແລະ ປະຫວັດ ລວມເຖິງຄວາມສຳເລັດຂອງ ຊີດານ ກັບອະດີດຕົ້ນສັງກັດ ຣຽວ ມາດຣິດ ນັ້ນ ຖືກໃຈ ທັອດ ໂບລີ ເຈົ້າຂອງສະໂມສອນ ເຊລຊີ ເປັນຢ່າງຫລາຍ ແລະ ກໍເປັນຕົວເລືອກລຳດັບຕົ້ນໆໃນການເລືອກມາຮັບງານຕໍ່ຈາກ ພັອດເຕີ.

ເຊລຊີ ພວມສ້າງທີມສາຍເລືອດໃຫມ່ ແລະ ມີນັກເຕະອາຍຸໜ້ອຍຫລາຍຄົນ ເຊິ່ງພວກເຂົາເບິ່ງວ່າ ຊີດານ ທີ່ເຄີຍເປັນນັກເຕະລະດັບໂລກ ແລະ ເປັນຜູ້ຈັດການໃຫ້ຄວາມເຄົາລົບນັ້ນ ຈະເປັນການຈັບຄູ່ທີ່ດີໃນການພາ ເຊລຊີ ກ້າວໄປຂ້າງໜ້າ.

ຂະນະດຽວກັນ ການທີ່ ພັອດເຕີ ສ້າງຜົນງານໜ້າຜິດຫວັງດ້ວຍການຊະນະພຽງ 9 ເກມ ຈາກ 25 ເກມທຳອິດ ກໍອາດເຮັດໃຫ້ ໂບລີ ຕັດສິນໃຈປົດອອກຈາກຕຳແໜ່ງກ່ອນສິ້ນສຸດລະດູການ ເຖິງໄລຍະທີ່ຜ່ານມາຈະຢືນຢັນວ່າຈະໃຫ້ການສະໜັບສະໜູນກໍຕາມ.

ສຳລັບ ຊີດານ ປະສົບຄວາມສຳເລັດຢ່າງສູງໃນຖານະຜູ້ຈັດການທີມ ຣຽວ ມາດຣິດ ໂດຍພາທີມ ຄວ້າແຊ໊ມ ລາ ລີກາ 2 ສະໄຫມ ແລະ ແຊ໊ມ ຢູຟາ ແຊ໊ມປຽນລີກ ອີກ 3 ອີກ.