ແອສຕັນ ວິລລາ ອາດຕັດໃຈປ່ອຍ ມາຕີເນສ ລະດູການນີ້

ແອສຕັນ ວິລລາ ພ້ອມຮັບຟັງຂໍ້ສະເໜີໃນການຊື້ຕົວ ເອມີເລຍໂນ ມາຕີເນສ ຫລັງຈາກນັກເຕະສະແດງຄວາມຕ້ອງການຍ້າຍໄປຍັງສະໂມສອນທີ່ລົງຫລິ້ນໃນ ແຊ໊ມປຽນ ລີກ ໃນລະດູການໜ້າ.

ຜູ້ຮັກສາປະຕູແຊ໊ມໂລກອາຍຸ 30 ປີ ມີສັນຍາກັບ ແອສຕັນ ວິລລາ ເຖິງກາງປີ 2027 ຫລັງຈາກຍ້າຍມາຮ່ວມງານດ້ວຍໃນປີ 2020 ແລະ ສ້າງຜົນງານໄດ້ດີຢ່າງຕໍ່ເນື່ອງຈາກກາຍເປັນມືຫນຶ່ງຂອງທີມຊາດຄົນປັດຈຸບັນ ໂດຍຫລັງຈາກການຄວ້າແຊ໊ມໂລກໃນໄລຍະທ້າຍປີທີ່ຜ່ານມາ ມາຕີເນສ ຕົກເປັນຂ່າວວ່າເບິ່ງໂອກາດໃນເລື່ອງການຍ້າຍອອກຈາກທີມເພື່ອໂອກາດລົງຫລິ້ນໃນເກມລະດັບແຊ໊ມປຽນ ລີກ.

ຕາມການລາຍງານຂອງ ເດລີ ເມລ ມີການລະບຸວ່າ ອູໄນ ອາເມຣີ ຕ້ອງການຜູ້ຮັກສາປະຕູທີ່ສາມາດຫລິ້ນດ້ວຍຕີນໄດ້ດີ ໃນການຕັ້ງບານເກມບຸກທີ່ເລີ່ມຕົ້ນຈາກຜູ້ຮັກສາປະຕູ ແລະ ອາດເຮັດໃຫ້ມທີມອາດເລືອກຮັບຟັງຂໍ້ສະເຫນີຈາກສະໂມສອນທີ່ຍາກໄດ້ຕົວ ມາຕີເນສ ໄປຮ່ວມງານນຳ ໂດຍມີການເປີດເຜີຍວ່າ ມາຕີເນສ ຮັບຄ່າເມື່ອຍ ປະມານ 100,000 ປອນ/ອາທິດ ໃນສັນຍາປັດຈຸບັນກັບທີມ ຂະນະທີ່ໃນເກມຫລ້າສຸດທີ່ພວກເຂົາເປີດບ້ານເສຍໃຫ້ອາເຊນອລ 2-4 ອູໄນ ອາເມຣີ ມີການວິຈານການແລ່ນຂຶ້ນມາຫລິ້ນຈັງຫວະເຕະແຈ ຂອງ ມາຕີເນສ ທີ່ກາຍເປັນເຫດສຳຄັນໃນການເສຍປະຕູທີ 4 ຂອງເກມວ່າເປັນການກະທຳທີ່ລາວບໍ່ເຄີຍບອກໃຫ້ຜູ້ຮັກສາປະຕູຂອງທີມເຮັດໃນລັກສະນະນັ້ນມາກ່ອນ.