ຢຸດຕິພາລະກິດ ຄົ້ນຫາຜູ້ລອດຊີວິດຈາກເຫດແຜ່ນດິນໄຫວ ຕວັກກີ-ຊີເຣຍ ເສຍຊີວິດທັງໝົດ 46.456 ຄົນ

ສຳນັກຂ່າວຕ່າງປະເທດລາຍງານ: ສຳນັກງານຮັບມືໄພພິບັດແຫ່ງຊາດ ປະກາດຢຸດຕິປະຕິບັດການຄົ້ນຫາ ແລະ ຊ່ວຍເຫລືອຜູ້ລອດຊີວິດຈາກເຫດແຜ່ນດິນໄຫວຢ່າງເປັນທາງການໃນຄືນວັນທີ 19 ກຸມພາ 2023 ເຊິ່ງລວມເປັນ 14 ວັນ, ເຊິ່ງສ້າງຄວາມເສຍຫາຍເປັນວົງກວ້າງທັງໃນຕວັກກີ ແລະ ປະເທດໃກ້ຄຽງ ຂະນະທີ່ຈຳນວນຜູ້ເສຍຊີວິດໃນຕວັກກີ 40.642 ຄົນ, ຊີເຣຍ 5.814 ຄົນ ລວມຕົວເລກຜູ້ເສຍຊີວິດທັງໝົດ 46.456 ຄົນ

ທັງນີ້ ທາງການຕວັກກີຄາດວ່າ: ຈຳນວນຜູ້ເສຍຊີວິດຈະຍັງເພີ່ມຂຶ້ນຢ່າງຕໍ່ເນື່ອງ ຫລັງການກວດສອບພົບວ່າ ມີອາຄານບ້ານເຮືອນເສຍຫາຍຫລາຍກວ່າ 264,000 ແຫ່ງ, ອາດຍັງມີຄົນຕິດຢູ່ໃຕ້ອາຄານອີກຈຳນວນຫລາຍ.