Meta ກຽມເກັບຄ່າບໍລິການ Meta Verified ໂດຍເກັບຄ່າບໍລິການ ປະມານ 15 ໂດລາ ຫລື ປະມານ 255.000 ກີບ/ເດືອນ

ວັນທີ 19 ກຸມພາ 2023 ນີ້ Mark Zuckerberg ເຈົ້າຂອງບໍລິສັດ Meta ອອກມາປະກາດຜ່ານໂປຣໄຟລຂອງຕົນເອງວ່າ ຈະເປີດບໍລິການ Meta Verified ຫຼື ບໍລິການສະໝັກສະມາຊິກ ທີ່ໃຊ້ຢືນຢັນບັນຊີດ້ວຍບັດປະຈຳຕົວ ເຊິ່ງຈະໄດ້ຮັບເຄື່ອງໝາຍ () ເປັນສີຟ້າ ຖືວ່າເປັນການປົກປ້ອງບັນຊີຈາກການປອມແປງ, ເຂົ້າເຖິງການບໍລິການຊ່ວຍເຫລືອແບບໂດຍກົງ, ການເຂົ້າເຖິງສະຕິກເກີແບບພິເສດທີ່ໃຊ້ໃນສະຕໍລີ ແລະ Reel .
ການເປີດໃຫ້ບໍລິການດັ່ງກ່າວລູກຄ້າຈ່າຍລາຍເດືອນ ປະມານ 15 ໂດລາ ຫລື ປະມານ 255.000 ກີບ/ເດືອນ ສຳລັບສະໝັກຜ່ານແອັບພິເຄຊັ່ນຂອງ ios ແລະ Android, ສຳລັບສະໝັກຜ່ານເວັບໄຊຈະມີຄ່າບໍລິການພຽງ 12 ໂດລາ ຫລື ປະມານ 200.000 ກີບ/ເດືອນ ເນື່ອງຈາກບໍ່ມີຄ່າທຳນຽມຈາກແອັບ
ຄາດວ່າບໍລິການດັ່ງກ່າວຈະເປີດໃຫ້ໃຊ້ງານຢູ່ ອອສເຕຣເລຍ ແລະ ນິວຊີແລນ ກ່ອນໝູ່ ແລ້ວຈຶ່ງຈະຂະຫຍາຍບໍລິການໄປປະເທດອື່ນໆ ເຊິ່ງລວມເຖິງຜູ້ໃຊ້ຢູ່ປະເທດລາວເຮົານຳ.