ປີ 2023 ລັດຖະບານມາເລເຊຍ ຄາດວ່າ ຈະສາມາດຄວບຄຸມລາຄາສິນຄ້າທີ່ເພີ່ມຂຶ້ນສູງ ເພື່ອສະກັດກັ້ນໄພເງິນເຟີ້ພາຍໃນປະເທດ
February 19, 2023 - 1:59 PM
ສຳນັກຂ່າວຕ່າງປະເທດລາຍງານ: ວັນທີ 17 ກຸມພາ 2023 ຜ່ານມາ, ທ່ານອັນວາ ໄອບຣາຮິມ ນາຍົກລັດຖະມົນຕີມາເລເຊຍ ກ່າວວ່າ: ເພື່ອສະກັດກັ້ນໄພເງິນເຟີ້, ລັດຖະບານມີແຜນການຈະຮັກສາລະບຽບການຄວບຄຸມລາຄາສິນຄ້າ ແລະ ອຸດໜູນສິນຄ້າພິເສດທີ່ມີຢູ່ໃນປັດຈຸບັນ, ຄາດວ່າ ຈະສາມາດຄວບຄຸມບັນຫາທີ່ລາຄາສິນຄ້າເພີ່ມສູງຂຶ້ນຢ່າງມີປະສິດທິຜົນພາຍໃນປີ 2023.
ອີງຕາມຜົນການສຳຫລວດຂອງກົມສະຖິຕິມາເລເຊຍໃຫ້ຮູ້ວ່າ: ຖ້າຫາກບໍ່ມີລະບຽບດັ່ງກ່າວ, ລະດັບໄພເງິນເຟີ້ຂອງປະເທດຕົນຈະຫລາຍກວ່າ 10%. ຕົ້ນທຶນການດຳລົງຊີວິດເພີ່ມສູງຂຶ້ນ ແລະ ລາຄາສິນຄ້າເພີ່ມສູງຂຶ້ນຢ່າງຕໍ່ເນື່ອງ, ນີ້ແມ່ນສິ່ງທ້າທາຍສຳຄັນທີ່ເສດຖະກິດມາເລເຊຍກຳລັງປະເຊີນຢູ່.
