ບາເຢິນ ມິວນິກ ຕັ້ງຄ່າຕົວ ຊາບິດເຊີ 18 ລ້ານປອນ
ບາເຢິນ ມິວນິກ ຈັດການຕັ້ງຄ່າຕົວ ມາເຊລ ຊາບິດເຊີ ກອງກາງທີມຊາດອອສເຕຣຍ ເອົາໄວ້ຮຽບຮ້ອຍທີ່ 18 ລ້ານປອນ ຫລັງ ແມນເຊສເຕີ ຢູໄນເຕັດ ສົນໃຈຈະຄວ້າໄປຮ່ວມທີມຢ່າງຖາວອນ.
ບາເຢິນ ມິວນິກ ທີມຜູ້ນຳຕາຕະລາງບຸນເດສລີກາ ເຢຍລະມັນ ຕັ້ງຄ່າຕົວຂອງ ມາເຊລ ຊາບິດເຊີ ກອງກາງທີມຊາດອອສເຕຣຍ ເອົາໄວ້ຮຽບຮ້ອຍທີ່ 18 ລ້ານປອນ ຫລັງ ແມນເຊສເຕີ ຢູໄນເຕັດ ສະແດງທ່າທີສົນໃຈທີ່ຈະຄວ້າ ດາວເຕະອາຍຸ 28 ປີ ໄປຮ່ວມທີມ ຢ່າງຖາວອນ.
ຊາບິດເຊີ ຍ້າຍຈາກ ບາເຢິນ ໄປຫລິ້ນໃຫ້ ແມນເຊສເຕີ ຢູໄນເຕັດ ດ້ວຍສັນຍາຢືມຕົວຈົນຈົບລະດູການນີ້ ແລະ ສ້າງຜົນງານໄດ້ດີໃນ ເກມພຣີເມຍລີກ ນັດບຸກໄປເສຍໃຫ້ ຄຣິສຕັລ ພາເລສ 1-2 ລວມທັງເກມເປີດບ້ານສະເຫມີ ລີດ ຢູໄນເຕັດ 2-2 ແລະ ບຸກຊະນະ ລີດ ຢູໄນເຕັດ 2-0.
ຂະນະທີ່ Bild ສື່ຊື່ດັງຂອງເຢຍລະມັນ ລາຍງານວ່າ ບາເຢິນ ມິວນິກ ແຈ້ງກັບ ແມນເຊສເຕີ ຢູໄນເຕັດ ແລ້ວວ່າ ພວກເຂົາຕັ້ງຄ່າຕົວ ຂອງ ຊາບິດເຊີ ເອົາໄວ້ທີ່ 18 ລ້ານປອນ ໂດຍເຊື່ອວ່າ ນີ້ຄືຄ່າຕົວທີ່ເຫມາະສົມເມື່ອພິຈາລະນາຈາກການທີ່ພວກເຂົາຄວ້າ ດາວເຕະອອສ ເຕຣຍ ມາຈາກ ແອເບ ໄລຊິກ ດ້ວຍຄ່າຕົວ 14 ລ້ານປອນ ເມື່ອປີ 2021.
