ແຈ້ງການ ກ່ຽວກັບການຈັດຕັ້ງສະເຫຼີມສະຫຼອງ ວັນແມ່ຍິງສາກົນ ວັນທີ 08 ມີນາ 2023 ຄົບຮອບ 113 ປີ ( 08 ມີນາ 1910 – 08 ມີນາ 2023)
February 15, 2023 - 12:24 PM
ເພື່ອສ້າງຂະບວນການຂ່ໍານັບຮັບຕ້ອນ ວັນແມ່ຍິງສາກົນ (ວັນທີ 08 ມີນາ 2023) ໃຫ້ເປັນຂະບວນຟົດຟື້ນ ແລະ ມີເນື້ອໃນເລິກເຊິ່ງ ທັງເປັນການສຶກສາອົບຮົມ, ປຸກລະດົມຂະບວນການແມ່ຍິງ, ຈັດຕັ້ງປະຕິບັດ, ຜັນ ຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ, ກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ VIII.
ປະທານຄະນະບໍລິຫານງານ ສູນກາງສະຫະພັນແມ່ຍິງລາວ ຂໍແຈ້ງການມາຍັງຄະນະບໍລິຫານງານ ສູນກາງ ສະຫະພັນແມ່ຍິງລາວ, ຄະນະປະທານສະຫະພັນແມ່ຍິງແຂວງ, ນະຄອນຫຼວງວຽງຈັນ, ກະຊວງ-ອົງການທຽບເທົ່າ ກ່ຽວກັບການສ້າງຂະບວນສະເຫຼີມສະຫຼອງ ວັນແມ່ຍິງສາກົນ (ວັນທີ 08 ມີນາ 2023) ຄົບຮອບ 113 ປີ.
I. ຈຸດປະສົງຄາດໝາຍ:
1. ເພື່ອທົບທວນຫວນຄືນປະຫວັດມູນເຊື້ອ ແລະ ການເຄື່ອນໄຫວ ຂະບວນການຂອງແມ່ຍິງທົ່ວໂລກ, ພາກ ພື້ນ, ອາຊຽນ ແລະ ການເຂົ້າຮ່ວມເຄື່ອນໄຫວ ໃນຂະບວນການດັ່ງກ່າວຂອງສະຫະພັນແມ່ຍິງລາວ ໃນແຕ່ລະໄລຍະ; 2. ເພື່ອເປັນການປຸກລະດົມ ສະມາຊິກສະຫະພັນແມ່ຍິງ ແລະ ແມ່ຍິງລາວບັນດາເຜົ່າ ເຂົ້າຮ່ວມຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມແຫ່ງຊາດ, ແຜນພັດທະນາແມ່ຍິງລາວ ຕິດພັນກັບຂະບວນການເຄື່ອນໄຫວຂອງ ເອື້ອຍນ້ອງແມ່ຍິງ ໃນການຈັດຕັ້ງປະຕິບັດສົນທິສັນຍາ, ຖະແຫຼງການ ແລະ SDGs 2030.
II.ເນື້ອໃນກິດຈະກໍາ:
1. ສະຫະພັນແມ່ຍິງແຕ່ລະຂັ້ນ ຈັດປາຖະກະຖາ ຫວນຄືນປະຫວັດຄວາມເປັນມາ ຂອງວັນແມ່ຍິງສາກົນ ໃຫ້ ຕິດພັນກັບການສະຫຼຸບການເຄື່ອນໄຫວວຽກງານ ພົວພັນຮ່ວມມືກັບສາກົນ ໃນ 01 ປີທີ່ຜ່ານມາ ແລະ ທິດທາງແຜນການໃນຕໍ່ຫນ້າ ໃນຂອບເຂດຄວາມຮັບຜິດຊອບຂອງຕົນ;
2. ຈັດກອງປະຊຸມສໍາມະນາ ທີ່ພົວພັນເຖິງການພັດທະນາ, ການປົກປ້ອງສິດຜົນປະໂຫຍດອັນຊອບທໍາ ຂອງ ແມ່ຍິງ, ກົດຫມາຍພັດທະນາ ແລະ ປົກປ້ອງແມ່ຍິງ-ເດັກນ້ອຍ, ກົດຫມາຍວ່າດ້ວຍສະຫະພັນແມ່ຍິງລາວ, ກົດຫມາຍ ວ່າດ້ວຍການຕ້ານ ແລະ ສະກັດກັ້ນ ການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ, ກົດຫມາຍວ່າດ້ວຍຄວາມສະ ເຫມີຍິງ-ຊາຍ ແລະ ສົນທິສັນຍາຕ່າງໆ;
3. ຈັດຕັ້ງເຜີຍແຜ່ໃຫ້ຄວາມຮູ້ ກ່ຽວກັບການຮັກສາສຸຂະພາບ, ກວດສຸຂະພາບໃຫ້ແມ່ຍິງ, ສົ່ງເສີມຄວາມກ້າວ ຫນ້າໃຫ້ແມ່ຍິງ ແລະ ຫົວຂໍ້ອື່ນໆ;
4. ສ້າງຂະບວນການແຂ່ງຂັນສິລະປະວັນນະຄະດີ, ກິລາປະເພດຕ່າງໆ, ຂະບວນການອອກແຮງງານ, ການວາງ ສະແດງຜະລິດຕະພັນຫັດຖະກໍາ, ຜົນຜະລິດກະສິກໍາ ຕາມຄວາມສາມາດ ແລະ ຈຸດພິເສດຕົວຈິງ ຂອງແຕ່ລະພາກສ່ວນ.
❖ ສໍາລັບສູນກາງສະຫະພັນແມ່ຍິງລາວ
ອີງຕາມຂໍ້ຕົກລົງ ຂອງປະທານຄະນະບໍລິຫານງານ ສູນກາງສະຫະພັນແມ່ຍິງລາວ ວ່າດ້ວຍການຈັດຕັ້ງພິທີ ສະເຫຼີມສະຫຼອງ ວັນແມ່ຍິງສາກົນ ຄົບຮອບ 113 ປີ (ວັນທີ 08 ມີນາ 1910-08 ມີນາ 2023) ຈະມີບັນດາ ກິດຈະກໍາ ດັ່ງນີ້:
1. ວັນທີ 09 ມີນາ 2023,ທີ່ສູນອົບຮົມແມ່ຍິງລາວ: ກວດສຸຂະພາບ ແລະ ກວດຕາ (ບໍ່ເສຍຄ່າ);
2. ວັນທີ 10 ມີນາ 2023, ທີ່ສູນການຮ່ວມມື ແລະ ຝຶກອົບຮົມສາກົນ (ICTC) ມີ:
– ກອງປະຊຸມສໍາມະນາ ໃນຫົວຂໍ້ທີ່ຕິດພັນ;
– ເດີນແບບ ຊຸດຊົນເຜົ່າ ແລະ ຊຸດປະຈໍາຊາດ ຮ່ວມກັບບັນດາສະຖານທູດ, ອົງການເຄືອຂ່າຍສະຫະ ປະຊາຊາດ, ອົງການຈັດຕັ້ງສາກົນ, ອົງການຈັດຕັ້ງສັງຄົມ ແລະ ບັນດາຄູ່ຮ່ວມມືຕ່າງໆ;
– ງານວາງສະແດງບຸດຜົນງານ ແລະ ສິນຄ້າຕ່າງໆ.
3. ວັນທີ 11 ມີມາ 2023, ທີ່ ເດີນພະທາດຫຼວງວຽງຈັນ:
– ການຍ່າງເພື່ອສຸຂະພາບຄອບຄົວຄັ້ງທີ 3;
– ແຂ່ງຂັນກິລາພື້ນບ້ານສາມັກຄີ ຊີງຂັນ ປະທານສູນກາງສະຫະພັນແມ່ຍິງລາວ.
III. ວິທີຈັດຕັ້ງປະຕິບັດ:
1. ຫຼັງຈາກໄດ້ຮັບແຈ້ງການສະບັບນີ້ແລ້ວ ໃຫ້ສະຫະພັນແມ່ຍິງແຕ່ລະຂັ້ນຄົ້ນຄວ້າປຶກສາຫາລື, ຂໍທິດຊີ້ນໍາຈາກ ຄະນະພັກ, ອົງການປົກຄອງ ແລະ ປະສານສົບທົບກັບພາກສ່ວນທີ່ກ່ຽວຂ້ອງ ຈັດຕັ້ງປະຕິບັດໃຫ້ໄດ້ຮັບຜົນດີ;
2. ຄະນະສະຫະພັນແມ່ຍິງແຕ່ລະຂັ້ນ ເປັນເຈົ້າການໃນການຈັດຕັ້ງພິທີສະເຫຼີມສະຫຼອງ ວັນແມ່ຍິງສາກົນ (ວັນ ທີ 08 ມີນາ 2023) ໃຫ້ຮັບປະກັນດ້ານເນື້ອໃນ, ມີບັນຍາກາດດີ, ປະຢັດມັດທະຍັດ ແລະ ສອດຄ່ອງກັບສະພາບ ຄວາມເປັນຈິງຂອງຂະແຫນງການ ແລະ ທ້ອງຖິ່ນ;
3. ການຈັດຕັ້ງປະຕິບັດ ບັນດາກິດຈະກໍາຕ່າງໆທີ່ປິ່ນອ້ອມ ແມ່ນໃຫ້ເອົາໃຈໃສ່ການປະຕິບັດຕາມມາດ ຕະການປ້ອງກັນການ ແຜ່ລະບາດຂອງພະຍາດ COVID-19 ຕາມແຈ້ງການ ຂອງ ຄະນະສະເພາະກິດ;
4. ພາຍຫຼັງຈັດຕັ້ງປະຕິບັດສໍາເລັດແລ້ວ ໃຫ້ສະຫຼຸບຕີລາຄາ, ຖອດຖອນບົດຮຽນ ແລະ ລາຍງານໃຫ້ກົມ ໂຄສະນາ-ວັດທະນະທໍາ, ສູນກາງສະຫະພັນແມ່ຍິງລາວ ກ່ອນວັນທີ 30 ເມສາ 2023.
