ມຽນມາ ສົ່ງອອກອາຫານທະເລ ຫລາຍກວ່າ 13.000 ໂຕນ

ສຳນັກຂ່າວຕ່າງປະເທດລາຍງານ: ວັນທີ 9 ກຸມພາ 2023 ຜ່ານມາ, ສຳນັກງານ ການປະມົງຂອງ ມຽນມາ ລາຍງານວ່າ: ປະລິມານ ການສົ່ງອອກ ອາຫານທະເລ ປະເພດກຸ້ງ ຂອງປະເທດໃນໄລຍະ 10 ເດືອນຂອງສົກປີ ງົບປະມານ 2022-2023 ຊຶ່ງເລີ່ມ ແຕ່ເດືອນ ເມສາ ລວມມີ ຫລາຍກວ່າ 13.000 ໂຕນ .

ມຽນມາ ໄດ້ຈັດສົ່ງກຸ້ງ ຜ່ານເສັ້ນທາງ ຂົນສົ່ງທາງທະເລ ຫລາຍກວ່າ 12.286 ໂຕນ ໃນຂະນະທີ່ ອີກ 991,963 ໂຕນ ຖືກສົ່ງອອກ ຜ່ານຊາຍແດນ ທາງບົກ, ນັບແຕ່ເດືອນ ເມສາປີກາຍ ເຖິງເດືອນມັງກອນ ໃນປີນີ້ ໂດຍມີ ປະລິມານ ການສົ່ງອອກກຸຸ້ງ ໃນໄລຍະເວລາ ດັ່ງກ່າວ ເພີ່ມຂຶ້ນ 13,85% ເມື່ອທຽບໃສ່ ໄລຍະໃສ່ດຽວກັນ ຂອງປີກາຍນີ້. ປະລິມານ ການສົ່ງອອກ ຜະລິດຕະພັນ ທາງທະເລ ຂອງປະເທດ ລວມເຖິງ ກຸ້ງ ລວມມີ 613,597 ລ້ານໂດລາ ສະຫະລັດ . ນອກນັ້ນ ມຽນມາ ສົ່ງອອກ ຜະລິດຕະພັນ ກະສິກຳ,​ ອາຫານ ທາງທະເລ ,​ ຜະລິດຕະພັນ ແຮ່ທາດ ແລະ ປ່າໄມ້ ຕະຫລອດຈົນ ສິນຄ້າ ເພື່ອການຜະລິດ ເປັນສ່ວນໃຫຍ່