ສາຍການບິນຍີ່ປຸ່ນ ຍົກເລີກຖ້ຽວບິນຫລາຍສິບຖ້ຽວ ຫລັງຫິມະຕົກໜັກ

ສຳນັກຂ່າວຕ່າງປະເທດລາຍງານວ່າ: ສາຍການບິນເຈແປນ ແອລາຍ ແລະ ອອນ ນິບປອນແອເວ ຕ້ອງປະກາດຍົກເລີກຖ້ຽວບິນຫລາຍສິບຖ້ຽວ ຫລັງມີຫິມະຕົກໜັກໃນບາງພື້ນທີ່ຂອງເກາະຮອນຊູ ແລະ ນະຄອນຫລວງໂຕກຽວ ໂດຍສາຍການບິນ ອອນ ນິບປອນແອເວ ຕ້ອງປະກາດຍົກເລີກຖ້ຽວບິນ 1 ຖ້ຽວ ທັງຂາເຂົ້າ ແລະ ຂາອອກ ສົ່ງຜົນກະທົບຕໍ່ຜູ້ໂດຍສານປະມານ 2,500 ຄົນ.

ຂະນະທີ່ສາຍການບິນເຈແປນ ແອລາຍ ໄດ້ຍົກເລີກຖ້ຽວບິນ 32 ຖ້ຽວ ສົ່ງຜົນກະທົບຕໍ່ຜູ້ໂດຍສານປະມານ 3,600 ຄົນ ຖ້າຫາກສະພາບອາກາດຍັງເປັນແບບນີ້ ອາດຈະຕ້ອງມີການຍົກເລີກຫລາຍກວ່ານີ້.

ດ້ານກະຊວງຄົມມະນາຄົມໄດ້ປະກາດເຕືອນປະຊາຊົນ ໃຫ້ເຝົ້າລະວັງສະຖານະການຫິມະຕົກໜັກທີ່ອາດຈະທັບຖົມສູງ ເຊິ່ງອຸນຫະພູມໃນຕອນກາງຄືນຫລຸດລົງຕໍ່າ ຈະສົ່ງຜົນໃຫ້ເກີດນ້ຳແຂງເກາະຕິດຖະໜົນ ຈົນເຮັດໃຫ້ຫົນທາງມື່ນ ແລະ ອາດເກີດອັນຕະລາຍໄດ້.