ເປີດ 4 ສະຖິຕິ ໂຣນັລໂດ ທຽບ ເມສຊີ ຫລັງຍິງທຸກລີກເກີນ 500 ປະຕູ ເໜືອກວ່າກັນຄົນລະດ້ານ
ເປີດສະຖິຕິການຍິງປະຕູໃນລີກຂອງ ຄຣິສຕຽນໂນ ໂຣນັລໂດ ຍອດດາວຍິງທີມຊາດໂປຣຕຸເກສ ອາຍຸ 38 ປີ ຫລັງເຫມົາຄົນດຽວ 4 ປະຕູໃນເກມລີກສູງສຸດ ຊາອຸດິ ອາຣະເບຍ ເຊ່ິງ ອັລ ນາສເຊີ ບຸກໄປຊະນະ ອັລ ເວດາ 4-0 ຊ່ວຍໃຫ້ທີມເກັບເພີ່ມເປັນ 37 ຄະແນນ ຈາກ 15 ນັດ ເທົ່າກັບ ອັລ ຊາບັບ ທີ່ລົງເຕະ 17 ເກມ ແຕ່ປະຕູໄດ້-ເສຍ ດີກວ່າ (ອັລ ນາສເຊີ +26/ອັລ ຊາບັບ +21) ເຮັດໃຫ້ຄອງ ຜູ້ນຳຕາຕະລາງຕໍ່ໄປ.
ເຮັດໃຫ້ຕອນນີ້ ໂຣນັລໂດ ຍິງລວມກັນທັງຫມົດ 503 ປະຕູຈາກການລົງຫລິ້ນ 5 ລີກ ຕະຫລອດອາຊີບນັກເຕະ ປະກອບດ້ວຍ ສະປອດຕິງ ລິສບອນ (ຊຸບເປີລີກ ໂປຣຕຸເກສ), ແມນເຊສເຕີ ຢູໄນເຕັດ (ພຣີເມຍລີກ ອັງກິດ), ຣຽວ ມາດຣິດ ( ລາ ລີກາ ສະເປນ ), ຢູເວນຕຸສ (ກັລໂຊ ເຊເຣຍ ອາ ອິຕາລີ) ແລະ ອັລ ນາສເຊີ (ຊາອຸດິ ໂປເຟສຊັລແນລ ລີກ).
ເມື່ອປຽບທຽບກັບສະຖິຕິການຍິງປະຕິໃນລີກຂອງ ລີໂອເນລ ເມສຊີ ຍອດາວຍິງທີມຊາດອາເຈນຕີນາ ທີ່ເຄີຍຫລິ້ນພຽງ 2 ລີກ ໃຫ້ກັບ ບາເຊໂລນາ (ລາ ລີກາ ສະເປນ) ແລະ ປາຣີສ ແຊັງ ແຊັກແມັງ (ລີກເອິງ ຝຣັ່ງ) ຈະອອກມາດັ່ງນີ້ :
+ ຄຣິສຕຽນໂນ ໂຣນັລໂດ ( 654 ນັດ )
- 503 ປະຕູ
- 144 ແອສຊິສ
- 104 ນາທີ/ຍິງ 1 ປະຕູ
- 81 ນາທີ/ການມີສ່ວນຮ່ວມກັບ 1 ປະຕູ.
+ ລີໂອເນລ ເມສຊີ ( 564 ນັດ)
- 490 ປະຕູ
- 216 ແອສຊິສ
- 94 ນາທີ/ຍິງ 1 ປະຕູ
- 65 ນາທີ/ການມີສ່ວນຮ່ວມກັບ 1 ປະຕູ.
