ທົ່ວປະເທດມີອາຊະຍາກຳເກີດຂຶ້ນ 8000 ກວ່າເລື່ອງ ສະເພາະຄະດີຢາເສບຕິດ 5000 ກວ່າຄະດີ
ທ່ານພົຈວ ນີລະວົງ ເຈືອງຕະວະລາດ ຮອງຫົວໜ້າກົມໃຫຍ່ຕໍາຫຼວດ ງານງານຕໍ່ກອງປະຊຸມ ສະຫຼຸບການຈັດຕັ້ງປະຕິບັດວຽກງານຕໍາຫຼວດ ປະຈໍາປີ 2022 ແລະ ວາງທິດທາງແຜນການປີ 2023 ໃນວັນທີ 9 ກຸມພາ 2023 ຜ່ານມານີ້ວ່າ: ຕະຫຼອດໄລຍະ ໃນ 1 ປີຜ່ານມາ ທົ່ວປະເທດມີອາຊະຍາກຳປະເພດຕ່າງໆເກີດຂຶ້ນທັງໝົດ 8.162 ເລື່ອງ (ບໍ່ນັບຄະດີອຸບັດເຫດ ແລະ ອັກຄີໄພ) ທຽບໃສ່ປີ 2021 ແມ່ນເພີ່ມຂຶ້ນ 1.791 ເລື່ອງ ແລະ ສາມາດມ້າງຄະດີໄດ້ 7.318 ເລື່ອງ, ມີຜູ້ຖືກຫາ 10.401 ຄົນ, ຍິງ 1.226 ຄົນ, ຕ່າງປະເທດ 164 ຄົນ, ຍິງ 16 ຄົນ.
ຄະດີຕ່າງໆສາມາດຈຳແນກໄດ້ດັ່ງນີ້:
- ມ້າງຄະດີຢາເສບຕິດໄດ້ 068 ເລື່ອງ ທຽບໃສ່ປີ 2021 ມ້າງໄດ້ເພີ່ມຂຶ້ນ 1.338 ເລື່ອງ,
ກັກຜູ້ຖືກຫາໄດ້ 7.410 ຄົນ, ຍິງ 873 ຄົນ, ຄົນຕ່າງປະເທດ 143 ຄົນ, ຍິງ 11 ຄົນ
ສາມາດຢຶດເຄື່ອງຂອງກາງ ປະເພດຢາບ້າໄດ້ 14.399,06 ກິໂລກຣາມ, ເຮໂຣອິນ 175,77 ກິໂລກຼາມ, ຢາໄອສ໌ 2.209,87 ກິໂລກຼາມ, ຢາຝິ່ນ 251,15 ກິໂລກຼາມ, ຄັນຊາ 12.015,28 ກິໂລກຼາມ, ເຄຕາມິນ 1.930,38 ກິໂລກຼາມ, ໂຄເຄນ 3 ກິໂລກຼາມ, ຢາອີ 2.723 ເມັດ, ຄາເຟອິນ 168 ກຼາມ, ແປ້ງຝຸ່ນນຳມາຜະລິດຢາເສບຕິດ 11.576,76 ກິໂລກຼາມ, ນ້ຳຢາສານເຄມີ 849 ກຣາມ, ນ້ຳກົດ 9.400 ລິດ, ລົດໃຫຍ່ 180 ຄັນ, ລົດຈັກ 790 ຄັນ, ເຮືອ 2 ລຳ, ເງິນ 1,048,447,000 ກີບ, 3,936,407 ບາດ, 36,241,810 ດົງ, 171,370 ຢວນ, ອາວຸດປືນ 32 ກະບອກ, ລູກປືນ 448 ລູກ, ໝາກແຕກ 1 ໜ່ວຍ;
- ມ້າງຄະດີຄາດຕະກໍາ 96 ເລື່ອງ; ທໍາຮ້າຍຮ່າງກາຍ 95 ຄົນ; ຊີງຊັບ 28 ຄົນ, ປຸ້ນຊັບ 23 ຄົນ; ລັກພາຕົວຮຽກຄ່າໄຖ່ 7 ຄົນ; ລັກຊັບ (ລົດຈັກເສຍ 758 ຄັນ, ລົດໃຫຍ່ 11 ຄັນ ແລະ ສາມາດເກັບກູ້ລົດຈັກຄືນໄດ້ 420 ຄັນ ແລະ ລົດໃຫຍ່ 23 ຄັນ;
- ມ້າງຄະດີເສດຖະກິດໄດ້ 592 ລາຍ ທຽບໃສ່ປີ 2021 ເພີ່ມຂື້ນ 312 ເລື່ອງ ຜູ້ຖືກຫາ 597 ຄົນ, ຍິງ 76 ຄົນ, ຕ່າງປະເທດ 7 ຄົນ. ຜົນເສຍຫາຍ 458,281,169,427 ກີບ, 36,841,682 ບາດ, 15,611,205 ໂດລາ, 1,105,245 ຢວນ ແລະ ວັດຖຸມີຄ່າອື່ນໆ.
- ມ້າງຄະດີຄ້າມະນຸດໄດ້ 25 ລາຍ ທຽບໃສ່ປີ 2021 ຫຼຸດລົງ 8 ລາຍ ເທົ່າກັບ 24%, ຜູ້ຖືກຫາ 61 ຄົນ, ຍິງ 44 ຄົນ, ຕ່າງປະເທດ 14 ຄົນ, ຍິງ 5 ຄົນ, ຜູ້ຖືກເຄາະຮ້າຍ 55 ຄົນ, ຍິງ 41 ຄົນ.
ສາມາດເກັບກູ້ຜົນເສຍຫາຍຄືນໄດ້ 1.883.705.221 ກີບ (ເງິນອາຍັດໃນບັນຊີ 1.348.705.221 ກີບ), 8,918,794 ບາດ (ອາຍັດໃນບັນຊີ 2.118.794 ບາດ), 41.185 ໂດລາ (ອາຍັດໃນບັນຊີ 39.185 ໂດລາ), 1.070.528.000 ດົງ, ເງິນລຽວ 540.000 ລຽວ, ຄຳແທ່ງ 1 ກິໂລກຣາມ, ດິນ 13 ຕອນ, ໃບຕາດິນ 9 ໃບ, ລົດໃຫຍ່ 10 ຄັນ ແລະ ວັດຖຸອື່ນໆ.
