ລູກຊາຍ ໂຣນັລດິນໂຢ ຍ້າຍເຂົ້າຮ່ວມທີມເຍົາວະຊົນ ບາເຊໂລນາ

ໂຣນັລດິນໂຢ ຕຳນານນັກເຕະທີມຊາດບຣາຊິລ ອອກມາເປີດເຜີຍວ່າ ເຊົາ ເມນເດສ ລູກຊາຍຂອງລາວ ໄດ້ເຂົ້າຮ່ວມທີມເຍົາວະຊົນຂອງ ບາເຊໂລນາ ສັງກັດໃນ ລາ ລີກາ ສະເປນ ແລ້ວ.

ກ່ອນໜ້ານີ້ ເຊົາ ເມນເດສ ລູກຊາຍຂອງ ໂຣນັລດິນໂຢ ໄດ້ຍົກເລີກສັນຍາກັບ ຄຣູເຊໂຣ ສະໂມສອນໃນບຣາຊິລ ກ່ອນຈະເດີນທາງມາທົດສອບສີຕີນກັບ ບາເຊໂລນາ ເມື່ອເດືອນຜ່ານມາ.

ເຊິ່ງຫລ້າສຸດ ການທົດສອບສີຕີນນັ້ນໄດ້ຜ່ານໄປດ້ວຍດີ ເພາະຜູ້ເປັນພໍ່ ໂຣນັລດິນໂຢ ໄດ້ອອກມາເປີດເຜີຍວ່າລູກຊາຍຂອງລາວໄດ້ເຂົ້າຮ່ວມທີມ ບາເຊໂລນາ ຮຽບຮ້ອຍແລ້ວ.

“ ບາເຊໂລນາ ຄື ສ່ວນຫນຶ່ງຂອງຊີວິດຂ້ອຍ ແລະ ການເຂົ້າມາສູ່ທີມຂອງລູກຊາຍຂ້ອຍ ຂ້ອຍຄົງຈະບ່ອນນັ້ນຫລາຍຂຶ້ນ ຂ້ອຍມີຫມູ່ຫລາຍຄົນທີ່ບາເຊໂລນາ ລວມເຖິງ ຊາບີ ແລະ ຂ້ອຍຫວັງວ່າພວກເຂົາຈະສາມາດຄວ້າແຊ໊ມລີກໄດ້ ”.