ອາເຈນຕິນາ ນຳທີມຊາດຈາກອາເມຣິກາໃຕ້ ສະເໜີໂຕຊີງເຈົ້າພາບບານໂລກ 2023 ສະຫລອງຄົບຮອບ 100 ປີ ບານໂລກ

ຄວາມເຄື່ອນໄຫວທີ່ໜ້າສົນໃຈເມື່ອມີການເປີດເຜີຍວ່າອາເຈນຕິນາ ແລະ ປະເທດຕ່າງໆທີ່ມັກຮັກກິລາບານເຕະໃນອາເມຣິກາໃຕ້. ຈະ​ຮ່ວມມືກັນສະເໜີໂຕ​ຈັດ​​ງານ​ແຂ່ງຂັນ​ບານ​ໂລກ​ປີ 2030 ​ເພື່ອ​ສະ​ເຫລີມສະຫລອງ​ການ​ແຂ່ງຂັນ​ບານ​ເຕະ​ທີ່​ໃຫຍ່​ທີ່​ສຸດ​ຂອງ​ໂລກ​ຄົບຮອບ 100 ປີ.

ເມື່ອວັນ​ທີ 7 ກຸມພາ​ ຜ່ານມານີ້ ອາ​ເຈນ​ຕິ​ນາ, ພ້ອມ​ດ້ວຍ​ຊີ​ລີ, ປາຣາກວາຍ ​ແລະ ​ອູ​ຣູກວາຍ ​ໄດ້​ຍື່ນ​ຄຳ​ຮ້ອງ​ຕໍ່​ອົງການ FIFA ເພື່ອ​ໃຫ້ມີການ​​ພິ​ຈາ​ລະ​ນາ​ຈັດ​​​ບານ​ໂລກ​ ໃນ​ແຜ່ນດີນອາ​ເມຣິ​ກາ​ໃຕ້​ອີກ​ເທື່ອ​ຫນຶ່ງ​ ພາຍໃຕ້ການສະຫນັບສະຫນູນຂອງ ອາເລຮານໂດຣ ໂດມິງໂກ ປະທານສະຫະພັນບານເຕະອາເມລິກາໃຕ້ (CONMEBOL).

ໃນຂະນະທີ່ ທ່ານ ເຄລາທິໂອ ທາເປຍ ປະທານສະຫະພັນບານເຕະອາເຈນຕິນາ ໃນຖານະແຊ້ມໂລກຄັ້ງຫລ້າສຸດ ເປີດເຜີຍເຊັ່ນກັນວ່າ ການເປີດຕົວນີ້ແມ່ນເປັນຄວາມຝັນຂອງຄົນອາເມຣິກາໃຕ້ທຸກຄົນ ບໍ່ແມ່ນພຽງແຕ່ຄົບຮອບ 100 ປີ ຂອງບານໂລກຄັ້ງທໍາອິດ. ແຕ່ເປັນການສະແດງໃຫ້ເຫັນເຖິງຄວາມມັກຮັກໃນການແຂ່ງຂັນບານເຕະຂອງພວກເຮົາອີກດ້ວຍ.”