ປີ 2022 ເມືອງແກ່ນທ້າວ ສົ່ງສິນຄ້າອອກຕ່າງປະເທດ 340.000 ກວ່າໂຕນ ລວມມູນຄ່າ 39.800.000 ກວ່າໂດລາ
ອີງຕາມຂໍ້ມູນຈາກ ຫ້ອງການອຸດສາຫະກໍາ ແລະ ການຄ້າ ເມືອງແກ່ນທ້າວ ແຂວງໄຊຍະບູລີ ໃຫ້ຮູ້ວ່າ: ປີ 2022 ຜ່ານມາ, ເມືອງແກ່ນທ້າວ ສາມາດສົ່ງສິນຄ້າອອກຕ່າງປະເທດ ໄດ້ 348.000 ກວ່າໂຕນ, ລວມມູນຄ່າທັງໝົດ 39.800.000 ກວ່າໂດລາ, ທຽບໃສ່ແຜນການປີປະຕິບັດໄດ້ 132,81%, ເຊິ່ງສິນຄ້າສ່ວນໃຫຍ່ແມ່ນສົ່ງອອກໄປປະເທດໄທ.
ສຳລັບ ສິນຄ້າສົ່ງອອກ, ປະກອບມີ: ສາລີ 13.900 ກວ່າໂຕນ, ມູນຄ່າ 1,6 ລ້ານກວ່າໂດລາສະຫະລັດ, ໝາກເດືອຍ 2.800 ກວ່າໂຕນ, ມູນຄ່າ 721.000 ໂດລາສະຫະລັດ, ມັນຕົ້ນແຫ້ງ 327.000 ກວ່າໂຕນ, ມູນຄ່າເກືອບ 36 ລ້ານໂດລາ, ຖົ່ວດິນຟັກ 300 ກວ່າໂຕນ, ມູນຄ່າ 99.000 ກວ່າໂດລາ, ຖົ່ວແດງ 2.000 ກວ່າໂຕນ, ມູນຄ່າ 941.000 ໂດລາ, ຖົ່ວດໍາ 10 ໂຕນ, ມູນຄ່າ 4.300 ໂດລາ, ໝາກງາ 570 ກວ່າໂຕນ, ມູນຄ່າ 429.000 ໂດລາ, ໝາກຫຍ້າລູຊີ 90 ກວ່າໂຕນ, ມູນຄ່າ 48.000 ກວ່າໂດລາ, ໝາກຂາມສົ້ມ 4 ໂຕນ, ມູນຄ່າ 480 ໂດລາ ແລະ ແກນສາລີ 1.000 ກວ່າໂຕນ, ມູນຄ່າ 11.000 ໂດລາ.
ພ້ອມນີ້, ຍັງໄດ້ນໍາເຂົ້າສິນຄ້າຈາກຕ່າງປະເທດ (ໄທ) ລວມມູນຄ່າ 47,4 ລ້ານກວ່າໂດລາສະຫະລັດ, ທຽບໃສ່ແຜນການປີປະຕິບັດໄດ້ 10,09%. ໃນນີ້, ນໍ້າມັນເຊື້ອໄຟ ມູນຄ່າ 42,4 ລ້ານກວ່າໂດລາ, ພາຫະນະ ມູນຄ່າ 213.000 ກວ່າໂດລາ, ສິ້ນສ່ວນອາໄຫລ່ 253.000 ກວ່າໂດລາ, ເຄື່ອງກໍ່ສ້າງ 997.000 ກວ່າໂດລາ, ເຄື່ອງໃຊ້ໄຟຟ້າ ມູນຄ່າ 445.000 ກວ່າໂດລາ ແລະ ເຄື່ອງອຸປະໂພກ, ມູນຄ່າ 3 ລ້ານກວ່າໂດລາ.
