ເປີດຕົວປື້ມຂຽນ ຕ້ານການສໍ້ລາດບັງຫຼວງ ຂອງເລຂາທິການໃຫຍ່ ຫງວຽນ ຟູຈ໊ອງ

ປື້ມຂຽນກ່ຽວກັບຕ້ານການສໍ້ລາດບັງຫຼວງຂອງ ເລຂາທິການໃຫຍ່ ຫງວຽນ ຟູຈ໊ອງ ມີຄວາມໜາ 600 ໜ້າ,ມີ ຮູບພາບປະກອບ 100 ພາບ ທີ່ໄດ້ຈັດວາງຕາມທິດທັນສະໄໝ ຊຶ່ງໄດ້ເປີດຕົວໃນຕອນເຊົ້າວັນທີ 2 ກຸມພາ 2023.

ປື້ມເຫຼັ້ມນີ້ໄດ້ບົ່ງບອກເຖິງການຕັດສິນໃຈທີ່ຈະຕໍ່ສູ້ກັບການສໍ້ລາດບັງຫຼວງອັນເປັນປາກົດການຫຍໍ້ທໍ້ຮ້າຍແຮງໃນສັງຄົມ ເພື່ອປະກອບສ່ວນເຂົ້າໃນການກໍ່ສ້າງພັກ ແລະ ລັດຖະບານໃຫ້ນັບມື້ມີຄວາມປອດໃສ, ເຂັ້ມແຂງ. ປື້ມເຫຼັ້ມນີ້ຍັງໄດ້ຮຽບຮຽງຄືນບັນດາທິດຊີ້ນຳຂອງສະຫາຍເລຂາທິການໃຫ່ຍໃນການຕ້ານການສໍ້ລາດບັງຫຼວງ, ປັບປຸງພັກ ແລະ ການຝຶກຝົນຫຼໍ່ຫຼອມຄຸນສົມບັດ, ແບບແຜນການດຳລົງຊິວິດຂອງ ສະມາຊິກພັກ – ພະນັກງານ,ໂດຍແມ່ນຄະນະບໍລິຫານງານສູນກາງພັກສົມທົບກັບ ສຳນັກພິມສະຖາບັນການເມືອງແຫ່ງຊາດເປັນຜູ້ຈັດພິມຈຳໜ່າຍ.

ຕອນທີໜຶ່ງ ລວມມີບົດຂຽນຂອງສະຫາຍເລຂາທິການໃຫ່ຍ ທີ່ໄດ້ຕີລາຄາໂດຍສັງເຂບກ່ຽວກັບ
ວຽກງານຕ້ານການສໍ້ລາດບັງຫຼວງນັບຕັ້ງແຕ່ມື້ສ້າງຕັ້ງຄະນະຊີ້ນຳຕ້ານການສໍ້ລາດບັງຫຼວງ ແລະ ປາກົດການຫຍໍ້ທໍ້ໃນປີ 2013 ຈົນເຖິງປັດຈຸບັນ; ບົດສະຫຼຸບຕີລາຄາຂອງເລຂາທິການໃຫຍ່ໃນກອງປະຊຸມທົ່ວປະເທດກ່ຽວກັບວຽກງານຕ້ານການສໍ້ລາດບັງຫຼວງ ແລະ ມີ4ບົດທີ່ໄດ້ລົງເລິກເຖິງປາກົດການຫຍໍ້ທໍ້ ແລະ ບົດສະຫຼຸບຕີລາຄາຜົນ 36 ກອງປະຊຸມຂອງຄະນະກຳມະການຊີ້ນຳ ວຽກງານດັ່ງກ່າວ.

ຕອນທີສອງ ປະກອບດ້ວຍບົດຂຽນ ແລະ ບົດຄຳເຫັນຂອງເລຂາທິການໃຫຍ່ ຫງວຽນ ຟູຈ໊ອງຈຳນວນ 22 ບົດ ທີ່ເວົ້າເຖິງຄວາມເປັນເອກະພາບກ່ຽວກັບທິດທາງຕ້ານ ແລະ ສະກັດກັ້ນການສໍ້ລາດບັງຫຼວງ ແລະ ປາກົດການຫຍໍ້ທໍ້ ທີ່ຈະເກີດຂຶ້ນ ແລະ ການປາບປາມໃຫ້ເຖິງກົກເຖິງຮາກ. ໃນນັ້ນມີບົດຂຽນ 14 ບົດເວົ້າເຖິງການກໍ່ສ້າງ, ປັບປຸງພັກຕັ້ງແຕ່ກ່ອນມາເຖິງປັດຈຸບັນ.