ນິວຄາສເຊິລ ກຽມຮ່ວມວົງ ລີເວີພູລ-ແມນຊິຕີ ລ່າ ຈູດ ເບລລິງແຮມ ລະດູການນີ້

ນິວຄາສເຊິລ ຢູໄນເຕັດ ສະໂມສອນມະຫາເສດຖີແຫ່ງ ພຣີເມຍລີກ ກຽມຮ່ວມວົງແຂ່ງຂັນໄລ່ລ່າຕົວ ຈູດ ເບລລິງແຮມ ກອງກາງດາວຮຸ່ງທີມຊາດອັງກິດ ຂອງ ໂບຣຸສເຊຍ ດອດມຸນ ໃນບຸນເດສລີກາ ເຢຍລະມັນໄລຍະລະດູການ ຕາມລາຍງານເມື່ອວັນທີ 3 ກຸມພາທີ່ຜ່ານມາ.

ເບລລິງແຮມ ພວມເປັນນັກເຕະເນື້ອຫອມທີ່ສຸດລຳດັບຕົ້ນຂອງໂລກ ແລະ ໃນວັນອາຍຸ 19 ປີ ລາວກໍຍຶດຕຳແໜ່ງຕົວຈິງໃນທີມຊາດອັງ ກິດໄດ້ຮຽບຮ້ອຍແລ້ວ ລວມເຖິງຍັງເຄີຍສວມປອກແຂນເປັນຫົວໜ້າທີມດອດມຸນນຳອີກ.

ລີເວີພູລ, ຣຽວ ມາດຣິດ ແລະ ແມນເຊສເຕີ ຊິຕີ ເປັນ 3 ສະໂມສອນທີ່ເປັນຕົວເຕັງໃນການໄດ້ລາຍເຊັນ ເບລລິງແຮມ ໄປຄອງ ແຕ່ຫລ້າສຸດ Sport Bild ສື່ຊັ້ນນຳຂອງເຢຍລະມັນເປີດເຜີຍວ່າ ນິວຄາສເຊິລ ກໍພ້ອມຈ່າຍເງິນມະຫາສານເພື່ອຄວ້າເດັກມະຫັດສະຈັນຄົນນີ້ເຊ່ັນດຽວກັນ.

ແຫລ່ງຂ່າວລະບຸວ່າ : “ ເບລລິງແຮມ ມີການຕັດສິນໃຈທີ່ຕ້ອງເຮັດ ແລະ ການຢູ່ທີ່ ດອດມຸນ ຕໍ່ໄປມັນຄົງບໍ່ໜ້າເປັນໄປໄດ້ສຳລັບລາວອີກແລ້ວ ເຖິງວ່າລາວຈະເປັນນັກເຕະສຳຄັນຂອງສະໂມສອນກໍຕາມ ”.

“  ໂດຍສະເພາະຢ່າງຍິ່ງ ຣຽວ ມາດຣິດ ພວມຕ້ອງການກອງກາງຄົນໃຫມ່ ແຕ່ ນິວຄາສເຊິລ ກໍພ້ອມຈະມາຮ່ວມວົງກັບັນດາສະໂມສອນທີ່ສົນ ໃຈລາວເຊັນດຽວກັນ ”.