ສານຍົກຟ້ອງ ກຣີນວູດ ກອງໜ້າແມນຢູ ຄະດີຄຸກຄາມອະດີດແຟນສາວ

ເຈົ້າໜ້າທີ່ຕຳຫລວດ ເກຣດເຕີ ແມນເຊສເຕີ ຢູໄນເຕັດ ຖະແຫລງວ່າສານມີຄຳສັ່ງຍົກຟ້ອງ ເມສັນ ກຣີນວູດ ກອງໜ້າຂອງແມນເຊສເຕີ ຢູໄນເຕັດ ທັງ 3 ຂໍ້ກ່າວຫາ ຄື ພະຍາຍາມຂົ່ມຂືນກະທຳຊຳເລົາ, ບັງຄັບຂືນໃຈ ແລະ ທຳຮ້າຍຮ່າງກາຍ.

ຫລັງຈາກ ກຣີນວູດ ກອງໜ້າອາຍຸ 21 ປີ ຖືກສະໂມສອນສັ່ງພັກງານມາເກືອບປີ ເນື່ອງຈາກຕ້ອງຄະດີຄຸກຄາມແຟນສາວ ແຮຣຽດ ຣ໊ອບສັນ ຫລ້າສຸດ ຫລັງຈາກສູ້ຄະດີມາຢ່າງຍາວນານ ເຈົ້າໜ້າທີ່ຕຳຫລວດຖະແຫລງຜົນການພິຈາລະນາຄະດີ ວ່າ “ ກຣີນວູດ ເຊິ່ງຖືກຈັບກຸມ ແລະ ຖືກຕັ້ງຂໍ້ຫາທີ່ກ່ຽວກັບ ການສືບສວນທີ່ເກີດຂຶ້ນໃນເດືອນມັງກອນ 2022 ຈະບໍ່ຖືກດຳເນີນຄະດີອາຍາອີກຕໍ່ໄປ ເຖິງວ່າສື່ ແລະ ປະຊາຊົນຈະໃຫ້ຄວາມສົນໃຈໃນກໍລະນີນີ້ ແຕ່ເຮົາຕັດສິນໃຈທີ່ຈະບໍ່ສະແດງຄວາມຄິດເຫັນ ແລະ ສະແດງລາຍລະອຽດໃດໆທີ່ກ່ຽວກັບຄະດີນີ້ເພີ່ມຕື່ມຕອນນີ້ ”.