ເທນຮາກ ອະທິບາຍເລື່ອງຕຳແໜ່ງໃໝ່ ຂອງ ຊານໂຊ ໃນເກມຊະນະ ຟໍເຣສ

ນາຍໃຫຍ່ຂອງ ແມນເຊັສເຕີ ຢູໄນເຕັດ ອະທິບາຍເຖິງບົດບາດຂອງຊານໂຊ ໃນຕຳແໜ່ງກອງກາງໂຕບຸກ. ຫລັງຈົບເກມທີ່ຊະນະ ຟໍເຣສ ແລະ ໄດ້ເຂົ້າຊີງຊະນະເລີດ ຄາລາບາວ ຄັບ ຕາມເປົ້າໝາຍ.

ເອຣິກ ເທນຮາກ ຫົວຫນ້າຄູຝຶກຂອງ ແມນເຊັສເຕີ ຢູໄນເຕັດ ອະທິບາຍເຖິງບົດບາດໃຫມ່ຂອງ ຈາດອນ ຊານໂຊ ເຊິ່ງລົງມາຫລິ້ນໃນຕໍາແໜ່ງໝາຍເລກ 10 ໃນເກມທີ່ຊະນະ ນອດຕິງແຮມ ຟໍເຣສ 2-0.

ກອງໜ້າທີມຊາດອັງກິດ ກັບມາລົງສະໜາມໃຫ້ກັບ ຜີສາດແດງ ຫລັງຈົບບານໂລກເປັນຄັ້ງທຳອິດໃນຖານະຕົວສຳຮອງ. ໂດຍໄດ້ໄປຫລິ້ນໃນຕໍາແໜ່ງກອງກາງຕົວບຸກດ້ານຫລັງສູນໜ້າ ໂດຍປົກກະຕິແລ້ວລາວມັກຈະຫລິ້ນທາງຮິມເສັ້ນຫລາຍກ່ອນ.

ໂຄ໋ດຊາວໂຮນລັງ ໄດ້ອະທິບາຍເຖິງຄວາມຄິດໃນການໃຊ້ ຊານໂຊ ໃນຕຳແໜ່ງໝາຍເລກ 10 ວ່າລາວໄດ້ທົດລອງໃຊ້ກົນລະຍຸດນີ້ມາແລ້ວໃນລະຫວ່າງເກມ ກ່ອນທີ່ຈະມາໃຊ້ຢ່າງຈິງຈັງໃນການນັດນີ້.