ພາສີແຂວງຄຳມ່ວນ ຢຶດລົດນຳເຂົ້າບໍ່ຖືຕ້ອງ ບໍ່ມີເອກະສານໄດ້ 2 ຄັນ

ຂ່າວກະຊວງການເງິນລາຍງານວ່າ: ວັນທີ 31 ມັງກອນ 2023 ຜ່ານມານີ້ ເຈົ້າໜ້າທີ່ພາສີພະແນກສືບສວນ-ສອບສວນ ແລະ ປາບປາມການລັກລອບໜີພາສີ (ພສປ) ກົມພາສີ ກະຊວງການເງິນ, ປະຈໍາການຢູ່ຈຸດປະສານງານນາເລົ່າ ແຂວງບໍລິຄໍາໄຊ, ໄດ້ປະສານສົມທົບກັບເຈົ້າໜ້າທີ່ພາສີປະຈໍາແຂວງຄໍາມ່ວນ, ໄດ້ອອກປະຕິບັດໜ້າທີ່ຕາມສາຍຂ່າວຢູ່ເຂດເມືອງໜອງບົກ ແຂວງຄໍາມ່ວນ ແລະ ໄດ້ຕິດຕາມກວດກາຢຶດລົດກະບະ 4 ປະຕູຈໍານວນ 2 ຄັນ.

ຜ່ານການສືບສວນ-ສອບສວນເບື້ອງຕົ້ນ: ລົດດັ່ງກ່າວແມ່ນນໍາເຂົ້າມາບໍ່ຖືກຕ້ອງ, ບໍ່ມີເອກກະສານນໍາເຂົ້າເສຍພາສີ-ອາກອນ. ດັ່ງນັ້ນ, ຈຶ່ງໄດ້ມອບລົດທັງ 2 ຄັນໃຫ້ພາສີ ປະຈໍາແຂວງຄໍາມ່ວນດໍາເນີນຂັ້ນຕອນຕາມກົດໝາຍ ແລະ ລະບຽບການຕໍ່ໄປ.