ອິນເຕີ ມິລານ ເລັງເປົ້າຄວ້າ ຟີມີໂນ ແກ້ບັນຫາກອງໜ້າຕີນຝືດ

ກັສຊັສຕາ ເດລໂລ ສະປອດ ສື່ໃນອິຕາລີ ລາຍງານວ່າ ອິນເຕີ ມິລານ ພວມໃຫ້ຄວາມສົນໃຈທີ່ຈະຄວ້າ ໂຣແບໂຕ ຟີມີໂນ ກອງໜ້າຂອງລີເວີພູລ ໄປເສີມກອງໜ້າ.

ລາຍງານລະບຸວ່າ ອິນເຕີ ມິລານ ຕ້ອງການຈະຫາກອງໜ້າຄົນໃຫມ່ເຂົ້າມາທົດແທນ ໂຣເມລູ ລູກາກູ ດາວຍິງຊາວເບລຢຽມ ທີ່ຫາກໍຍ້າຍກັບມາຢູ່ກັບທີມ ເນຣັຊຊູຣີ້ ແຕ່ພັດບໍ່ສາມາດສະແດງຜົນງານເກ່ັງຄືກັບຄັ້ງທຳອິດທີ່ຢູ່ກັບສະໂມສອນແຫ່ງນີ້ໄດ້.

ໂດຍຫລ້າສຸດມີການເປີດເຜີຍວ່າ ພວກເຂົາພວມເບິ່ງໄປທີ່ ໂຣແບໂຕ ຟີມີໂນ ກອງໜ້າຂອງລີເວີພູລ ທີມດັງໃນພຣີເມຍລີກ ອັງກິດ ທີ່ພວມຈະຫມົດສັນ ຍາເມື່ອຈົບລະດູການນີ້.

ທັງນີ້ ເຖິງວ່ານັກເຕະ ແລະ ເຈີເກັນ ຄລອບ ຜູ້ຈັດການທີມຂອງລີເວີພູລ ຈະຕ້ອງການໃຫ້ຟີມີໂນ ຢູ່ໃນຖິ່ນຕໍ່ໄປ ແຕ່ພວກເຂົາຍັງບໍ່ສາມາດບັນລຸຂໍ້ ຕົກລົງໃນສັນຍາໃຫມ່ກັນໄດ້.