ຈະສ້າງທາງເດີນເຮືອຕາມລຳແມ່ນ້ຳລ້ານຊ້າງ-ແມ່ນ້ຳຂອງໃຫ້ເຮືອຂະໜາດບັນທຸກ 500 ໂຕນແລ່ນໄດ້
ວັນທີ 28 ມີນານີ້, ໄດ້ເລີ່ມດຳເນີນໂຄງການກໍ່ສ້າງທາງເດີນເຮືອຊັ້ນ 4 ແຕ່ຫຼັກໝາຍຊາຍແດນເລກ 244 ຫາ ທ່າເຮືອຫຼິນຊາງ ຕາມລຳແມ່ນ້ຳລ້ານຊ້າງ ແຂວງຢຸນນານ ສປ ຈີນ ໂດຍໂຄງການນີ້ແມ່ນໂຄງການພື້ນຖານໂຄງ ລ່າງການຄົມມະນາຄົມທາງນ້ຳທີ່ສຳຄັນ ເພື່ອຊຸກຍູ້ການພັດທະນາເສດຖະກິດໃນເຂດການຄ້າເສລີອາຊຽນ ແລະ ເຂດແມ່ນ້ຳລ້ານຊ້າງ-ແມ່ນ້ຳຂອງ. ຫຼັງສຳເລັດການກໍ່ສ້າງໂຄງການ, ແມ່ນ້ຳລ້ານຊ້າງຕອນແຕ່ເມືອງຫຼິນຊ່າງ ແຂວງຢຸນນານຫາຫຼັກໝາຍຊາຍແດນຈີນ-ມຽນມາເລກ 244 ທີ່ຍາວ 418 ກິໂລແມັດ ຈະເຮັດໃຫ້ເຮືອຂະໜາດ ບັນທຸກ 500 ໂຕນ ສາມາດແລ່ນໄດ້ຕະຫຼອດປີ ເຊິ່ງຈະສາມາດຍົກລະດັບການເຊື່ອມຈອດໃນອະນຸພາກພື້ນແມ່ນ້ຳ ຂອງໃຫ້ສູງຂຶ້ນຢ່າງຫຼວງຫຼາຍ.
ໃນປີ 2014, ລັດຖະບານຈີນໄດ້ສະເໜີຈະສະໜອງທຶນ 100 ລ້ານຢວນ ນຳໃຊ້ໃນການຈັດຕັ້ງປະຕິບັດເບື້ອງຕົ້ນກ່ຽວກັບໂຄງການຍົກລະດັບທາງເດີນເຮືອແມ່ນ້ຳລ້ານຊ້າງ-ແມ່ນ້ຳຂອງ ໄລຍະສອງ ແລະ ເດືອນເມສາປີ 2016 ກໍໄດ້ເລີ່ມຈັດຕັ້ງປະຕິບັດໂຄງການຍົກລະດັບທາງເດີນເຮືອຕາມແມ່ນ້ຳລ້ານຊ້າງ-ແມ່ນ້ຳຂອງແຕ່ຫຼັກ ໝາຍຊາຍແດນຈີນ-ມຽນມາເລກ 243 ຫາຫຼວງພະບາງ ສປປ ລາວ ທັງໝົດຍາວ 631 ກິໂລແມັດ ຢ່າງເປັນ ທາງການ ແລະ ປັດຈຸບັນ ພວມສຳຫຼວດພາກສະໜາມຢູ່ລາວ ແລະ ມຽນມາ.
