ໂນວັກ ໂຢໂຄວິກ ເອົາຊະນະ ຊິຕີປາສ ຄວ້າແຊ້ມ ອອສເຕເລຍ ໂອເພັນ ສະໄໝທີ 10

ການແຂ່ງຂັນຮອບຊີງຊະນະເລີດ ແກຣນສະແລມ ໂອເພັນ ຊາຍດ່ຽວ ເປັນການແຂ່ງຂັນລະຫວ່າງ ໂນວັກ ໂຢໂຄວິກ ມື 5 ຂອງໂລກຈາກ ເຊີເບຍ ເຈົ້າພໍ່ຂອງແຊ້ມລາຍການນີ້ພົບກັບ ສະເຕຟານ ຊິຕີປາສ ມື 4 ຂອງໂລກຈາກປະເທດເກຣັກ ຜູ້ທີ່ຕັ້ງເປົ້າທີ່ຈະປົດລັອກ ແກຣນສະແລມ ທໍາອິດໃຫ້ໄດ້.

ໃນເຊັດທໍາອິດ ໂຢໂຄວິກ ຂຶ້ນນໍາກ່ອນ 6-3, ແຕ່ໃນເຊັດທີ 2 ຊິຕີປາສ ເກືອບໄລ່ຕີສະເໝີເຊັດໄດ້ ຫລັງຂຶ້ນນໍາ 5-4, ແຕ່ວ່າ ໂຢໂຄວິກ ໄລ່ຕີສະເໝີ 5-5 ແລະ ຍື້ເຂົ້າເບຣກຈົນຊະນະອີກ 7-6 (7/4) ແລະ ເມື່ອເຖິງເຊັດທີ 3 ຊິຕີປາສ ຍື້ເຂົ້າເບຣກໄດ້ ແຕ່ຫລິ້ນບໍ່ຄົມພໍຖືກ “ໂນວັກ” ປິດບັນຊີຊະນະໄປ 7-6 (7-5).

ຜົນທີ່ອອກມາເຮັດໃຫ້ ໂຢໂຄວິກ ອາຍຸ 35 ປີ ເອົາຊະນະລຸ້ນນ້ອງຂາດລອຍ 3-0 ເຊັດ 6-3, 7-6 (7/4), 7-6 (7-5) ຄວ້າແຊ້ມ ອອສເຕເລຍ ໂອເພັນ ສະໄໝທີ 10 ແລະ ນີ້ຍັງເປັນລາງວັນທີສອງຂອງຕົນເອງໃນປີນີ້, ໃນຂະນະທີ່ ຊິຕີປາສ ຍັງອົກຮັກ ໄດ້ພຽງຮອງຊະນະເລີດ ແກຣນສະແລມ ເປັນຄັ້ງທີສອງຕໍ່ຈາກ ເຟຣນ ໂອເພັນ ໃນປີ 2021.