ສະພາມົນຕີສະຫະພາບເອີຣົບຈະຕໍ່ເວລາມາດຕະການລົງໂທດທາງເສດຖະກິດຕໍ່ຣັດເຊຍອອກໄປຕື່ມ 6 ເດືອນ
January 28, 2023 - 3:35 PM
ວັນທີ 27 ມັງກອນ 2023 ນີ້ ສະພາມົນຕີສະຫະພາບເອີຣົບຖະແຫຼງ ຈະຕໍ່ເວລາມາດຕະການລົງໂທດທາງເສດຖະກິດຕໍ່ຣັດເຊຍອອກໄປອີກ 6 ເດືອນ, ຈົນເຖິງວັນທີ 31 ກໍລະກົດປີ 2023.
ສະຫະພາບເອີຣົບໄດ້ເລີ່ມປະຕິບັດມາດຕະການລົງໂທດທາງເສດຖະກິດຕໍ່ຣັດເຊຍເປັນຄັ້ງທຳອິດໃນປີ 2014 ຍ້ອນບັນຫາຣັດເຊຍ-ຢູເຄຣນ ແລະ ໄດ້ເປີດກວ້າງການລົງໂທດຢ່າງຫຼວງຫຼາຍ ຍ້ອນການປະທະກັນລະຫວ່າງຣັດເຊຍແລະຢູເຄຣນນໃນເດືອນກຸມພາປີ 2022.
ປັດຈຸບັນ, ການລົງໂທດໄດ້ພົວພັນເຖິງຫຼາຍຂົງເຂດ ເຊັ່ນ: ການຄ້າ, ການທະນາຄານ, ສິນຄ້າວິທະຍາສາດເຕັກໂນໂລຊີ, ສິນຄ້າທີ່ໃຊ້ທັງທາງການທະຫານແລະທາງພົນລະເຮືອນ, ອຸດສາຫະກຳ, ການຂົນສົ່ງ, ຂະແໜງການເຄື່ອງໃຊ້ຟູມເຟືອຍ ແລະ ອື່ນໆ, ນອກນີ້, ຍັງຫ້າມບໍ່ໃຫ້ນຳເຂົ້າ ຫຼື ຂົນຍ້າຍນ້ຳມັນດິບ ແລະ ຜະລິດຕະພັນນ້ຳມັນເຊື້ອໄຟຈຳນວນໜຶ່ງຈາກຣັດເຊຍໄປສະຫະພາບເອີຣົບ, ຫ້າມບໍ່ໃຫ້ທະນາຄານຫຼາຍແຫ່ງຂອງຣັດເຊຍນຳໃຊ້ລະບົບຊຳລະເງິນຂອງສະມາຄົມໂທລະຄົມທາງການເງິນລະຫວ່າງທະນາຄານທົ່ວໂລກ ຫຼື SWIFT ແລະ ໂຈະການກະຈາຍສຽງຫຼືຖ່າຍທອດຂອງສື່ມວນຊົນຣັດເຊຍຈຳນວນໜຶ່ງ.
