ເຈົ້າຄອງນະຄອນຫລວງລົງພື້ນທີ່ ກວດກາກຽມຄວາມພ້ອມແກ້ໄຂບັນຫາຮ່ອງລະບາຍນໍ້າ ກ່ອນລະດູຝົນ

ຂ່າວໜັງສືພິມວຽງຈັນໃໝ່ ລາຍງານວ່າ: ວັນທີ 27 ມັງກອນ 2023 ນີ້ ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ  ພ້ອມດ້ວຍເຈົ້າເມືອງສີ ໂຄດຕະບອງ ແລະ ພາກສ່ວນກ່ຽວຂ້ອງ  ລົງເຄື່ອນໄຫວກວດກາຮ່ອງ ລະບາຍນໍ້າເຂດດົງປ່າສັກ ໜ້າຕະຫຼາດຊັງຈ່ຽງ ເຊິ່ງ ຈຸດດັ່ງກ່າວໄດ້ສົ່ງກິ່ນເໝັນ ແລະ ມົນລະພິດທາງອາກາດໃຫ້ປະຊາຊົນທີ່ອາໄສຢູ່ຂອບເຂດບໍລິເວນດັ່ງກ່າວ.

ທ່ານ ທະວີໄຊ ເຫມົາຊົມພູ ເຈົ້າເມືອງສີໂຄດຕະບອງ ລາຍງານວ່າ: ວຽກງານແກ້ໄຂຮ່ອງລະບາຍນໍ້າຢູ່ໃນເມືອງສີໂຄດຕະບອງ ມີທັງຫມົດ 8 ຮ່ອງ ໃນນັ້ນເມືອງຮັບຜິດ ຊອບ 7 ຮ່ອງ ແຜນແກ້ໄຂໄລຍະຍາວ 6 ຮ່ອງ, ຜ່ານມາໄດ້ລ້ວງຮອງລະບາຍນໍ້າແຕ່ເຂດບ້ານໜອງແຕ່ງເໜືອ- ຕະຫຼາດລາວອົດຊີ-ຮ່ອງແຊງ-ຊາຍແດນເມືອງຈັນທະບູລີ ປະຕິບັດໄດ້ 2.000 ແມັດ ແລະ ໄດ້ຈົກຮ່ອງລະບາຍນໍາ້ຈໍານວນຫນຶ່ງ ສ່ວນ 6 ຮ່ອງ

ທ່ານເຈົ້າຄອງໄດ້ເນັ້ນ ໃຫ້ສຸມໄປທາງທິດດຽວກັນໃນການແກ້ໄຂບັນຫາ, ບັນດາຮ່ອງ-ຄອງ ໂດຍສະ ເພາະເມືອງສີໂຄດຕະບອງໃຫ້ສຸມໃສ່ 2 ຈຸດໃຫ່ຍຄື: ຈຸດເຂດຕະຫຼາດຊັງຈ່ຽງ ຫາ ເຂດສວນສາທາລະນະສີໂຄດຕະບອງ  ໃຫ້ສຳເລັດກ່ອນ  ປີໝ່ລາ, ໂດຍມອບໃຫ້ ຍທຂ ຮ່ວມກັບ ຄບຕ ລົງ ສຶກສາສໍາຫຼວດຮ່ວມກັນ ໄລຍະນີ້ຈະແກ້ໄຂແບບໃດໃຫ້ຂຶ້ນ ແຜນລະອຽດ ສ່ວນພະແນກແຜນການ ແລະ ການລົງທຶນຕ້ອງໄດ້ ເບິ່ງຄືນ ວ່າຈະຈັດສັນທຶນຮອນແນວໃດ ເພື່ອມານໍາໃຊ້ເຂົ້າໃນແຜນງານນີ້ ໃຫ້ສາມາດດໍາເນີນງານຕາມຄາດໝາຍທີ່ວາງໄວ້.