ຜົນຈັບສະຫລາກ ເນຊັນ ລີກ ຮອບ 4 ທີມ ເນເທີແລນ ພົບ ໂຄຣເອເຊຍ ສະເປນ ພົບ ອີຕາລີ

ພາຍຫລັງທີ່ແຂ່ງຂັນໃນລະບົບລີກໃນປີ 2022, ຕອນນີ້ ຢູຟາ ເນຊັນລີກ ລະດູການ 2022-23 ກໍ່ໄດ້ 4 ທີມສຸດທ້າຍ ແລະ ຈັບຄູ່ກັນເພື່ອຫາແຊ້ມເປັນທີ່ຮຽບຮ້ອຍແລ້ວ.

ຮອບ 4 ທີມຈະຈັດຂຶ້ນທີ່ປະເທດເນເທີແລນ ໂດຍຮອບຮອງຊະນະເລີດ ເນເທີແລນ ພົບກັບ ໂຄຣເອເຊຍ ໃນວັນທີ 14 ມິຖຸນາ ທີ່ເມືອງ ຣອສເຕີດຳ ແລະ ສະເປນ ພົບກັບ ອິຕາລີ ໃນວັນທີ 15 ເດືອນມິຖຸນາ ທີ່ເມືອງ ເອນເຊເດ້.

ຜູ້ເສຍຈະໄປຊີງອັນດັບ 3 ໃນວັນທີ 18 ມິຖຸນາ ທີ່ເມືອງ ເອນເຊເດ້, ໃນຂະນະທີ່ຜູ້ຊະນະຈະຕັດສິນແຊ້ມໃນມື້ດຽວກັນ ທີ່ເມືອງ ຣອສເຕີດຳ.