ເຄນ ທາບສະຖິຕິດາວຍິງສູງສຸດຕະຫລອດການ ສະເປີ ຫລັງຍິງໃສ່ ຟູແລ່ມ

ແຮຣີ ເຄນ ສູນໜ້າຕົວເກ່ັງຂອງ ທັອດແນມ ຮັອດສະເປີ ຂຶ້ນໄປທາບສະຖິຕິດາວຍິງສູງສຸດຕະຫລອດການຂອງສະໂມສອນແລ້ວເປັນທີ່ຮຽບຮ້ອຍ.

ກ່ອນໜ້ານີ້ ກອງໜ້າອາຍຸ 29 ປີ ຍິງໄປແລ້ວ 265 ປະຕູ ໃຫ້ກັບ ສະເປີ ເຊິ່ງຄອງອັນດັບ 2 ຂອງດາວຍິງສູງສຸດຕະຫລອດຂອງທີມຕາມຫລັງ ຈິມມີ ກຣິຟ ພຽງລູກດຽວ.

ຫລ້າສຸດ ເຄນ ຍິງໄປ 1 ປະຕູໃຫ້ກັບສະເປີ ໃນການແຂ່ງຂັນພຣີເມຍລີກ ທີ່ບຸກໄປຊະນະ ຟູແລມ 1-0 ເມື່ອຄືນວັນຈັນ ທີ 23 ມັງກອນທີ່ຜ່ານມາ ສົ່ງຜົນໃຫ້ລາວຂຶ້ນໄປທຽບຊັ້ນດາວຍິງສູງສຸດຕະຫລອດການຂອງສະໂມສອນຮ່ວມກັບ ຈິມມີ ກຣິຟ ເປັນທີ່ຮຽບຮ້ອຍແລ້ວເປັນທີ່ຮຽບຮ້ອຍທີ່ 266 ປະຕູລວມທຸກລາຍການ.

ໃນພຣີເມຍລີກ ເຄນ ຍິງໄປແລ້ວ 199 ປະຕູ ຄອງອັນດັບ 3 ດາວຍິງສູງສຸດຕະຫລອດການລີກສູງສຸດອັງກິດ ຕາມຫລັງ ເວນ ຣູນີ ຕຳນານນັກເຕະ ແມນເຊສເຕີ ຢູໄນເຕັດ ທີ່ຄອງອັນດັບ 2 ຢູ່ພຽງ 9 ປະຕູເທົ່ານັ້ນ ແລະ ຕາມຫລັງ ອາລັນ ເຊຍເຣີ ຕຳນານດາວຍິງ ນິວຄາສເຊິລ ຢູ່ທີ່ 61 ປະຕູ.