ແຟນບານ ອາເຊນອລ ຖືກຕຳຫລວດ ຢູການດ້າ ເຂົ້າຈັບກຸມຫລັງຂັບລົດແຫ່ສະຫລອງໄຊຊະນະ ໃນເກມທີ່ພົບ ແມນເຊັສເຕີ ຢູໄນເຕັດ

ວັນທີ 24 ມັງກອນ 2023 ການເຄື່ອນໄຫວພາຍຫລັງທີ່ທັບ “ປືນໃຫຍ່” ອາເຊນອລ ເປີດບ້ານເອົາຊະນະ “ຜີສາດແດງ” ແມນເຊັສເຕີ ຢູໄນເຕັດ 3-2 ເມື່ອວັນອາທິດທີ 22 ມັງກອນ ທີ່ຜ່ານມາ ແຟນບານອາເຊນອລຊາວຢູການດ້າຈໍານວນໜຶ່ງ ສະຫລອງໄຊຊະນະຂອງ ອາເຊນອລ ​ໂດຍ​ນຳ​ລົດ​ 5 ຄັນອອກມາເດີນ​ຂະ​ບວນແຫ່​ອ້ອມໄປ​ທົ່ວເມືອງ ຈິນຈາ ພ້ອມ​ທັງ​ໃສ່​ເສື້ອ​ທີມ​ຮັກ ​ແລະ​ ຖື​ຖ້ວຍລາງວັນ​ຈຳ​ລອງ​ທີ່​ຊື້​ມາ​ຈາກ​ຮ້ານ ກ່ອນ​ທີ່​ຈະ​ຖືກ​ຕຳຫລວດ​ທ້ອງ​ຖິ່ນ​ສະກັດ​ຈັບ​ຢູ່​ເທິງ​ຖະໜົນ ແລະ ຄວບຄຸມແຟນບານຢ່າງຫນ້ອຍ 8 ຄົນ ເພື່ອໄປປັບທັດສະນະຄະຕິ

ສໍາລັບ ອາເຊນອລ ທີ່ເກັບ 3 ຄະແນນໃນນັດນີ້ ສ້າງສະຖິຕິເພີ່ມເປັນ 50 ຄະແນນ ເປັນອັນດັບໜຶ່ງ, ຂະນະທີ່ ແມນເຊັສເຕີ ຢູໄນເຕັດ ທີ່ບໍ່ສາມາດເກັບຄະແນນໄດ້, ຢູ່ອັນດັບທີ 4 ມີ 39 ຄະແນນ.