ແມນຢູ ຈັບຕາດາວດັງ ສະເປີ ເລັງຄວ້າເສີມເກມບຸກລະດູການນີ້
ແມນເຊສເຕີ ຢູໄນເຕັດ ທີມອັນດັບ 3 ໃນພຣີເມຍລີກ ພວມຈັບຕາເບິ່ງສະຖານະການຂອງ ແຮຣີ ເຄນ ກອງໜ້າຕົວເກ່ັງຂອງ ທັອດແນມ ຮັອດສະເປີ ໃນຂະນະທີ່ພວກເຂົາຕ້ອງການດາວຍິງຄົນໃຫມ່ເຂົ້າມາເສີມທີມໃນລະດູການໜ້າ ຕາມລາຍງານຈາກ ແມນເຊສເຕີ ອິຟນິງນິວ.
ດາວຍິງອາຍຸ 29 ປີ ພວມຄອງຕຳແໜ່ງຮອງດາວຍິງໃນລະດູການນີ້ ໂດຍຍິງໄປແລ້ວ 15 ປະຕູ ໃນຂະນະທີ່ສັນຍາສະບັບປັດຈຸບັນຂອງລາວເຫລືອອີກພຽງ 18 ເດືອນເທົ່ານັ້ນ ແລະ ຍັງບໍ່ມີທີທ່າວ່າຈະຕໍ່ສັນຍາໃຫມ່ໃນໄວໆນີ້.
ແມນເຊສເຕີ ຢູໄນເຕັດ ນັ້ນຖືເປັນທີມທີ່ມີຂ່າວກັບ ເຄນ ມາຢ່າງຕໍ່ເນື່ອງ ໃນຂະນະທີ່ລາວກໍເກືອບເຄີຍຍ້າຍມາຍັງເມືອງແມນເຊສເຕີ ຢູໄນເຕັດ ເມື່ອລະດູການປີ 2021 ແຕ່ການເຈລະຈາລະຫວ່າງຕົ້ນສັງກັດຂອງລາວກັບ ແມນເຊສເຕີ ຊິຕີ ກັບລົ້ມເຫລວໄປ.
ແນວໃດກໍຕາມລາຍງານຫລ້າສຸດລະບຸວ່າ ດ້ວຍການທີ່ ສະເປີ ມີສິດທີ່ຈະຫລຸດຈາກພື້ນທີ່ ຢູຟາ ແຊ໊ມປຽນລີກ ໃນລະດູການໜ້າ ອາດເຮັດໃຫ້ພວກ ເຂົາຈຳເປັນຕ້ອງປ່ອຍກອງໜ້າທີມຊາດອັງກິດອອກຈາກທີມ ນັ້ນຈຶ່ງເຮັດໃຫ້ທີມ ແມນຢູ ກັບມາໃຫ້ຄວາມສົນໃຈນັກເຕະລາຍນີ້ອີກຄັ້ງ.
ເອຣິກ ເທນ ຮາກ ພວມຢູ່ໃນໄລຍະຂອງການໄລ່ລ່າກອງໜ້າຕົວເປົ້າຄົນໃຫມ່ຫລັງຈາກທີ່ປ່ອຍ ຄຣິສຕຽນໂນ ໂຣນັລໂດ ອອກໄປເມື່ອທ້າຍປີທີ່ຜ່ານມາ ໂດຍກ່ອນໜ້ານີ້ພວກເຂົາກໍມີຂ່າວກັບ ວິກເຕີ ໂອຊິມເຮນ ຂອງ ນາໂປລີ, ກອນຊາໂລ ຣາມອສ ຈາກ ເບນຟີກ້າ ແລະ ໂມຮາເຫມັດ ຄູດຸສ ຈາກ ອາແຈັກ ຢູ່ໃນລາຍຊື່ນຳອີກ.
