ຢືນຢັນແລ້ວ ມະຫາເສດຖີອັງກິດ ເລີ່ມເດີນເລື່ອງຊື້ ແມນຢູ ຢ່າງເປັນທາງການ

ເຊີ ຈິມ ແຣດຄລິຟ ມະຫາເສດຖີຢືນຢັນ ເລີ່ມເດີນໜ້າໃນການຊື້ສະໂມສອນ ແມນເຊສເຕີ ຢູໄນເຕັດ ຈາກຕະກູລເກລເຊີ ຢ່າງເປັນທາງການ.

ຄວາມເຄື່ອນໄຫວຫລັງຈາກທີ່ ຕະກູລເກລເຊີ ເຄີຍອອກປະກາດວ່າພ້ອມພິຈາລະນາຂາຍສະໂມສອນເມື່ອໄລຍະເດືອນພະຈິກທີ່ຜ່ານມາ.

ຫລ້າສຸດ ເຊີ ຈິມ ແຣດຄລິບ ມະຫາເສດຖີຊາວອັງກິດ ອາຍຸ 70 ປີ ໄດ້ອອກມາຢືນຢັນວ່າເລີ່ມເປີດສາກໃນການຍື່ນຂໍ້ສະເຫນີຊື້ສະໂມສອນ ແມນເຊສເຕີ ຢູໄນເຕັດ ຢ່າງເປັນທາງການແລ້ວ ໂດຍໂຄສົກຂອງ ແຣດຄລິບ ກ່າວຢືນຢັນກັບ ເດິ ທາມ ສື່ຊື່ດັງຂອງອັງກິດວ່າ “ ເຮົາໄດ້ເຂົ້າສູ່ຂະບວນການຢ່າງ ເປັນທາງການແລ້ວ ”.

ສຳລັບ ແຣດຄລິຟ ເປັນແຟນບານຕົວຈິງຂອງແມນເຊສເຕີ ຢູໄນເຕັດ ລາວເປັນເຈົ້າຂອງທຸລະກິດບໍລິສັດເຄມີພັນ ຊື່ວ່າ Ineos ທັງຍັງເປັນເຈົ້າຂອງທີມນີສ ສະໂມສອນໃນການແຂ່ງຂັນ ລີກ ເອິງ ຂອງຝຣັ່ງ ເຊິ່ງທີ່ຜ່ານມາລາວພະຍາຍາມຈະຊື້ສະໂມສອນເຊລຊີ ແຕ່ບໍ່ປະສົບຄວາມສຳເລັດລາວມີຊັບສິນທັງຫມົດຢູ່ 13,480 ລ້ານ, ລວຍເປັນອັນດັບ 11 ຂອງໂລກ.